阿里巴巴、騰訊 能否成為下一間Google?

阿里巴巴：網購贏哂

講起阿里，大家都一定會記得佢嘅網購網站──淘寶網、天貓、阿里巴巴1688等，近乎乜都可以買到，網購銷售額仲冠絕全球，單看其11月11日光棍節的銷售額便知道幾厲害。其次就是為人熟悉的網上支付工具，如螞蟻金服的支付寶，幾乎全中國都要用來買野，仲旺過銀行。

當然，作為一間科網公司，雲端服務自然唔少得，阿里攻入電召的士app「快的打車」，深得不少的士司機愛戴。不過唔講唔知，阿里仲有阿里旅遊和自家製的智能操作系統，遲下仲想與和諧汽車合作攻入電動車市場，主要負責實體網路銷售。

若然要講到近期，必然是阿里積極收購不少媒體，有社交媒體snapchat、tango和新浪，亦有阿里影業、土豆優酷網等娛樂影視平台，同時亦持有不少主流新聞媒體如第一財經傳媒，最近仲有消息傳出馬雲想收購南華早報，不過孰真孰假都未可以肯定。

騰訊：內地社交網絡稱霸

騰訊最為人熟悉的是其坐擁過億用戶的社交網絡工具如微博、微信和QQ，和瀏覽器騰訊網，騰訊應用寶仲有個「中國Play store」之稱的安卓應用商店，用戶人數突破1.8億，中國市場覆蓋率接近30%，真喺唔睇得少嫁!

面對對手阿里的支付寶，騰訊亦一樣有財付通作網上支付工具，以及雲端服務。早前又入股規模僅次於淘寶網的京東商城，藉此進軍網購平台。

不過騰訊有兩點與Google相似的，就是有一個開放平台可以將自己開發的應用程式上載上去，然後讓人下載，目前平台上近百萬名的開發者，已創造出400萬種軟體應用程式，而累計分給創業者的收入已經超過100億元人民幣，意即創造超過50個億萬富翁。

除此次外，騰訊視頻亦有如Youtube一樣，有劇集、電影及綜藝節目，有時仲有直播球賽啊!

騰訊年初時設立微眾銀行，為首間互聯網銀行，同時亦有電召的士app 「嘀嘀打車」，與阿里的「快的打車」佔逾八成市佔率。騰訊亦有意投入電動車市場，其主要負責研發互聯網汽車。

Google：全球最廣範使用

至於Google ，就當然是近乎乜都有，有智能手機系統的android及網上應用程式商店Play store。最廣泛應用的是瀏覽器Chrome，仲有極多人用的google drive 網上雲端系統，可以網上同步作文書處理，google drive 配合google doc及google sheet，真喺造福世界。相信自Chrome及google drive一出，不少人已經放棄了使用Microsoft的IE及Office。

而且有自家的社交網絡工具hangout，除普通send message之外，仲可以有視像通話。

Google 咁大的企業自然不少得有網上財務工具google wallet，和可供網購的平台Google for Retail 和 Merchandise store。

唔可以唔提的一定是Youtube，呢個全球最大的視頻網站為google賺咗好多錢嫁。

Google 另一樣屈機的是其研發部門，Google phone – Nexus 就喺其中一個大熱的硬件產品，而另一個研發部門Google X lab，研發具前膽性的產品，如太空旅遊、自動駕駛車、無人機送貨和高空氣球網絡等。

未來喺點，無人會知道。但到現時為止，騰訊、阿里巴巴依然局限於中國市場，講科研的進取度，應用程式的廣範程度，Google都仲係大佬!