黃子華 合約 公司 員工 廁所 簽約 工作 網民熱話

黃子華6個職場打不死定論 長尾理論 鯰魚效應 幫你賺錢|網民熱話

社會熱話

廣告

網民熱話黃子華創作的職場金句出色就係人都知,做過咁多套劇,講到做生意嘅「絕代商驕」一定走唔甩。呢套劇入面提過唔少做生意嘅理論或者述語,你又記得記得幾多個?

撰文:高清 | 圖片:新傳媒資料室、電視截圖、unsplash

黃子華打不死定論1. 長尾理論

只要你經營得好,就算唔受歡迎嘅貨,都可以為公司帶來利潤的現象。有冇試過入咗啲貨賣唔出,好頭痛呢?呢個理論就係話你知,貨尾賣唔出嘅貨,只要個尾(銷售時間)拖得夠長就得,就可以搵到啱客源,咁就可以將貨品賣出去,一樣可以幫你賺錢!

黃子華打不死定論2. 鯰魚效應

呢個理論重點在於提升員工嘅生產力,就係通過引入新競爭,刺激同事嘅上進心,從而提升生產力。就好似咁,一個魚池,將條鯰魚放落去,其他魚就因為怕俾佢食落肚,就會不停好努力咁游。以人力資源學實際例子講,就係請一個醒目嘅同事,刺激其他人就會更加努力做野。所以如何果你見公司請在個話頭醒尾嘅好同事,你可能要勤力啲啦!

黃子華打不死定論3. 等價交換

道理好簡單,就係人地喺你身上得到咩好處,同樣你都要喺別人身上得到同等價值嘅好處。第一集嘅「絕代商驕」就教你,做人要學識「等價交換」,千祈唔好俾人搵笨。做生意都一樣,小心唔好著數晒俾人,要互惠互利,正所謂win win 雙嬴!

黃子華打不死定論4. 合理化煙幕

合理化係針對顧客嘅觀點,令顧客覺得商品價格同質量的相乎。而商家就通過制造合理化煙幕,增加銷售量,減少總體平均成本,增加利潤。劇中嘅黃子華(麥提爽)提出過一個例子:大爆谷同細爆谷花只差2元,大家都會唔介意俾多兩蚊買大爆谷。但係其實商家係有賺多咗,因為固定成本無變,而賣多咗,咁平均成本就少咗,同薄利多銷嘅原理一樣。

黃子華打不死定論5. 黑天鵝效應

呢個述語在英國「脫歐」公投嗰日應該聽過好多次,其實呢個述語係來自納西姆尼可拉斯塔雷伯嘅作品,「黑天鵝」嘅意思係睇落極度無可能發生,但竟然又發生咗嘅事。

其實呢個效應有三個特點:

1)之前嘅經驗令大家都覺得呢件事無可能發生,係一般期望嘅範圍之外
2)呢件事會有好大影響同衝擊
3)發生咗件事之後,好多人解釋「其實發生都好正常呀!」

黃子華打不死定論6. 黑武士、白武士

唔知大家仲記唔記得,劇中嘅黃子華(麥提爽)就係一個扮黑武士嘅白武士。好似好復雜,其實好簡單。黑武士就係收購一間公司之後轉賣俾第三方,佢地嘅唯一目標就係賺錢。呢種商人多數都俾人話心狠手棘同冇良心。白武士係好人,會出手幫一啲遭受第三方惡意收購的公司,向佢地提出善意收購。例如開個高啲價錢,打走惡意收購嘅公司。