13大本地倒數活動集合　熱鬧迎接2017

（原文：GOtrip）

圖片：活動機構提供

01 | 中銀香港2017香港除夕倒數

講到倒數，當然唔少得尖沙咀維港嘅煙花表演啦！今年的匯演會延長至十分鐘並 引入多款全新煙花圖案，而在海面上亦會首度引入特別燈光效果，務求令匯演更加精彩。為增添歡樂氣氛，旅發局還會於除夕匯演前於尖沙咀舉辦街頭派對，邀請演藝嘉賓與眾同歡，齊迎倒數。雖然已經預想到會好迫，但氣氛一定會喺最熱鬧！如果想睇得清楚就真喺要提早去到霸個靚位。

日期︰2016年12月31日
時間/地點︰街頭派對︰晚上約10:00
尖沙咀碼頭一帶（鄰近星光行）

許願流星︰晚上11:00、11:15、11:30、11:45
煙火音樂匯演︰午夜12:00
維多利亞港兩岸入場︰免費

02 | Cheers To 2017 Countdown Party 展覽 @東港城

單睇張海報，已經覺得個神秘嘉賓好搶眼！他即將於新鴻基地產旗下將軍澳旗艦商場東港城《CHEERS TO 2017 COUNTDOWN PARTY》現身， 聯同一眾藝人歌手：鄭俊弘、劉佩玥、張彥博、嚴祺@Showoff、吳偉豪和谷微，實行神級玩轉除夕倒數派對，與大家一同度過難忘的倒數時刻！ 仲唔快啲齊齊估下邊個咁神秘？！ 你無估錯呀，神秘嘉賓就係明福俠，黎明呀！到時見！

日期：2016 年 12 月 31 日(六)
時間：10:30 PM
地點：將軍澳東港城一樓展覽場 (坑口站A1出口)

03 | 2017 跨年倒數星願派對@新城市廣場

新城市廣場邀請了多個表演團體，與大家迎接2017年！表演單位包括：在俄羅斯彈槓平衡木上能連續向後翻筋斗44次的世界紀錄保持者、來自加拿大的「彈槓飛人鐵三角Russian Bar Trio」，三人將在數千名觀眾前展示自2014年來從未被突破的翻筋斗空中特技。
此外，商場更請來本港最具代表性的搖滾勢力：靚聲「女神」鄭欣宜、殿堂級搖滾樂團太極樂隊及人氣樂隊RubberBand以音樂挑戰真我的底線，與大家Rock住迎接2017！

2017彈起．翻騰無極限
日期及時間：2016年12月31日 (星期六) 下午3時及晚上10時30分 / 2017年1月1日 (星期日) 下午3時及5時
地點：新城市廣場一期一樓羅馬圓型獻技場
費用：全免
狂熱搖滾．高聲唱好2017詳情
日期：12月31日(星期六)
時間：晚上10時30分至12時05分
地點：新城市廣場一期一樓羅馬圓型獻技場
費用：全免

04 | 荷里活廣場「除夕倒數2017大派對」

荷里活廣場邀請到模範夫妻王浩信陳自瑤出席跨年騷，當家花旦陳凱琳與一眾唱家班馮允謙、譚永浩、Lio Kobayashi、SIS樂印姊妹、少女標本，加上暖男胡諾言、李日昇及應屆香港先生亞軍丁子朗舉行「除夕倒數2017大派對」，載歌載舞之餘更與大家玩遊戲，將會送出豐富獎品，務必讓現場觀眾用最歡欣的心情迎接2017。

荷里活廣場「除夕倒數2017 大派對」

日期：12 月31 日(星期六)
時間：8:30pm – 12:05am
地點：鑽石山荷里活廣場一樓明星廣場
嘉賓：王浩信、陳凱琳、陳自瑤、少女標本、馮允謙、胡諾言、SIS 樂印姊妹、丁子朗、
李日昇、譚永浩、Lio Kobayashi

05 | YOHO MALL人氣樂隊除夕夜倒數

商場悉心準備不同音樂表演與訪客齊渡佳節，訪客可於12月31日晚上10時30分在YOHO MALL I露天廣場參與「LET’S YOHO MUSIC GIG 除夕音樂夜」，本地至Hit樂隊草蜢、大熱合唱組合C AllStar、和人氣搖滾音樂樂隊Dear Jane將於除夕夜親臨YOHO MALL現場演繹多首經典歌曲，更會與現場觀眾大玩有獎遊戲，配合強勁的節拍加上熱爆全場的勁歌熱舞表演，全場氣氛將推至高峰，與觀眾齊以興奮的心情在澎湃音樂中倒數迎接新的一年！

「LET’S YOHO MUSIC GIG除夕音樂夜」
日期：2016年12月31日
時間︰晚上10時30分至凌晨0時5分
地點：YOHO MALL I露天廣場

06 | 奧海城《夢想起飛迎2017》

今個除夕夜，有林欣彤陪大家一齊迎接2017！阿Mag由超級巨聲出道，咁多年以嚟都一直為自己嘅夢想而努力奮鬥，又真係好切合今年倒數主題 － 夢想起飛！唔知各位彤伴們又有咩夢想呢？記住同埋你身邊仍然有夢想嘅朋友一齊嚟奧海城倒數迎2017！今個除夕夜，約定你、你、你同你！同場嘉賓仲有Supper Moment、 Wallis Cho曹震豪及林若盈 Mellissa Lam。

奧海城《夢想起飛迎2017》
日 期｜31/12 (六)
時 間｜22:30開始
地 點｜奧海城2期地下主題中庭

07 | 上水廣場 ‧ 華麗倒數派對迎2017

今年除夕上水廣場將會舉行至華麗PARTY，陣容當然同樣要華麗閃爍啦！韓國紅星鄭珍雲闊別香港3年，除夕終於到嚟上水與粉絲倒數！同場嘉賓有吳雨霏、羅力威、袁偉豪、高海寧、孫慧雪、麥美恩、湯洛雯、歐陽巧瑩、何佩珉 同 彭紀諺 逾10位歌手藝人都會現身同你一齊慶祝！

上水廣場華麗倒數派對迎2017

日期：2016年12月31日 (星期六)
時間：10:00pm – 12:15am
地點：上水廣場二樓中庭

08 | The ONE X IQ博士 35週年反斗狂歡派對之甜蜜蜜除夕派對

蕭正楠同黃翠如以情侶檔現身The ONE同大家一齊倒數，sweet到爆嘅佢地仲會同大家玩遊戲同獻唱歌曲，邊放閃邊工作，實行同大家過一個名副其實嘅甜蜜蜜除夕派對！

The ONE X IQ博士 35週年反斗狂歡派對之甜蜜蜜除夕派對

日期：31.12.2016
時間：下午4時 (集合時間待定)
地點：The ONE UG2 中庭

09 | 新都城中心『除夕倒數派對』

新都城請來一眾紅星以音樂近接新一年，嘉賓有馬國明、洪永城、唐詩詠、吳業坤、馮允謙、林穎彤，到時佢地仲會同大家大玩遊戲，狂歡迎接2017年，MCP Club會員仲有機會得到同明星合照機會！

日期： 31/12/2016
活動： 新都城中心『除夕倒數派對』
時間： 22:30 – 24:15
地點： 將軍澳新都城中心二期商場L1天幕廣場

10 | V city「V」嘩狂歡除夕夜

今年除夕夜，V city特別請來麥明詩、蔡思貝、陳家樂同埋安俊豪 黎到V city中庭同大家一齊倒數迎接2017！V city VIP Club會員只須憑500積分，即可換領活動入場証1張！於12月31日晚上10:45出席V city「V」嘩狂歡除夕夜除夕倒數活動！

V City『「V」嘩狂歡除夕夜』

日期： 31/12/2016
時間： 22:45 – 24:10
地點： 屯門鄉事會路83號V City MTR層中庭

11 | 韓流閃亮除夕夜 @荃灣廣場

安宰賢fans好幸福，因為喺聖誕節見完OPPA之後，佢將會嚟到荃灣廣場，參與韓流閃亮除夕夜，同大家迎接2017！仲有機會近距離接觸OPPA啊，想知點樣換到「貴賓席」門票同OPPA合照？咁就要留意之後嘅活動詳情更新啦！

日期：2016年12月31日 (星期六) 下午8時30分 ‑ 10時30分 (2小時)
地點：荃灣廣場 香港荃灣大壩街4-30號

12 | 2017 Shine Forever除夕倒數派對 @世貿中心

世貿中心於今個除夕邀得韓國萬人迷偶像高庚杓首次親臨香港與大家作近距離見面，並於12月31日下午於商場與粉絲互動一番及主持倒數儀式，共迎閃亮新一年！型男高庚杓憑2015年之熱播韓劇《請回答1988》及剛播映完畢之《嫉妒的化身》等大熱收視爆燈偶像劇而人氣急升，是次襲港定必吸引不少粉絲到場支持，一睹萬人迷懾人魅力！同場更有實力歌手吳業坤、王君馨、馮允謙、少女標本及A2A狂熱登場，為大家勁歌助陣，率先迎接2017年。

wtc more世貿中心《2017 Shine Forever除夕倒數派對》

日期︰2016年12月31日(星期六)
時間︰中午12時
地點︰wtc more世貿中心地下露天廣場

13 | apm「除夕狂歡倒數派對夜」

APM今年都請咗韓國組合B.I.G同大家過除夕夜，fans們如果想同oppa們近距離接觸同拎簽名，可以拎pass參加簽唱會，到時見啦！！

apm「除夕狂歡倒數派對夜」

日期： 31/12/2016
時間： 23:00
地點： 觀塘觀塘道418號創紀之城五期apm大堂