29歲平均月入得$15,000 網民：五十年不變原來係指人工
廣告
對於每個打工仔嚟講，每月出糧可以話係成個月最開心果一日，而作為香港嘅打工青年自然也無例外。但最近政府公佈本港青年平均月入數字達$15,000，青年嘅界定就是由20歲至29歲，但竟有官員表示呢個數字竟象徵咗香港經濟好呢個現象。
圖片來源：動漫截圖、新傳媒圖片庫 資料來源：連登討論區
係連登討論區隨即有巴打對於呢個公佈發表意見，認為香港青年平均搵呢個數可以說是香港人嘅悲哀，更將香港青年比喻為新一代勞隸，稱之為「香港黃奴」。
而連登中一向不乏有識之士，佢地都紛紛以經濟學角度出發，解釋香港政府認為經濟好呢個給論有多荒謬。有網友留言話睇實際數字根本無意思，經濟學係要同唔同時期唔同國家做比較嚟論證結論嘅準確性。
睇到呢一度，筆者都開始懷疑政府嘅結論究竟從何以來，呢幾年物價不斷上升，衣食住行4大領域無一不加，就算人工呢幾年有跟住升，個升幅好似從來無超越個物價嘅升幅。簡單啲講，加咗都追唔上即是每年嘅人工都係跌緊。
面對住政府嘅神級結論，有唔少網民都係討論區表達不滿，例如鬧政府個結論連中學程度要求都應該pass唔到，又有網友希望香港重回通縮嘅時代，俗稱「寧為玉碎， 不為瓦全」，等充滿唏噓嘅說話。
有精明嘅網友就表示經過精密嘅計算後，只要一年唔玩唔買衫唔消費的話，應該一年就可以「上車」，初時筆者都有啲驚訝，但後面先知原來個上車盤其實係天堂，大概一年時間就可以品嘗到景觀開揚嘅絕世筍盤。
其實每個香港人所要求嘅並唔多，亦都唔複雜，只係想係香港開心咁生活，而唔係每日漫無目的般返工放工。錢多或少其實並唔係最重要，反之滿足衣食住行等才是香港人一直追求所希望滿足嘅要求。
