2K23 Talent Game On FUN住搵工|完成線上線下任務 有機會贏矽谷交流之旅

FUN住搵工|爆機+完成線下任務 有機會贏矽谷交流之旅

社會熱話

廣告

召集所有想轉工/搵緊工嘅面孔!唔知大家喺搵工嗰陣會唔會覺得嚟嚟去去都係三幅被:send CV、約interview、做written test。但原來搵工唔只得一個模式,可以FUN住咁做task,順手搵份好工添!表現得好唔只份工袋袋平安,仲有終極大獎:親身飛去矽谷同科技巨頭交流!

香港科技園推出「Talent Game On 2K23」活動,讓不論數理專科(STEM)或非數理學科(non-STEM),來自不同專業科系出身嘅大家,都一樣可以加入創科社群!喺今年2月20日至4月全程投入gamify嘅世界,展開喺創科 行業嘅職涯,一齊嚟做任務搵筍工,再飛埋去矽谷啦!

不限科系 Non-tech出身一樣歡迎

「Talent Game On 2K23」喺一個嶄新嘅線上及線下搵工體驗,喺線上活動虛擬遊戲「職人冒險」過關之後,參加埋線下「快閃波士」環節,創科筍工就在眼前!重點係唔一定讀Tech相關嘅科系,先可以參加「Talent Game On 2K23」,因為創科公司同一般公司一樣,同樣對Marketing、Accounting等人才有需求。

第一關:線上任務「行」出求職入場券

活動由即日起至3月18日舉行,參加者進入「職人冒險」活動頁面後,可以選擇以男或女角進行遊戲。遊戲正式開始之前,會有模擬環節,畀大家熱身同熟習玩法。遊戲中玩家需要畀正確指令,讓遊戲角色順利行完指定路線。順利過關後,就可以得到「Talent Game On 2K23」重頭戲––見工入場券!

2K23 Talent Game On FUN住搵工|爆機+完成線下任務 有機會贏矽谷交流之旅
參加者完成「職人冒險」線上遊戲後,即可解鎖於 3 月中旬舉行的「科技大本營」活動。

第二關:線下面試見老細  贏份工+矽谷之旅

完成「職人冒險」嘅解題遊戲後,就會解鎖喺線下參與嘅下一個階段:「科技大本營」,於3月10、11、17及18日,參與一系列適合唔同背景人才嘅園區探索活動,涵蓋嘅創科領域包括:人工智能與機械人、生物醫藥科技、數據、綠色科技和微電子。

喺第二階段「快閃波士」環節中,參加者可以爭取一眾香港科學園園區頂尖科技公司所提供的工作面試機會,包括華為、商湯科技和艾睿電子等。另外,參與今次活動嘅公司,亦會同參加者分享最新行業趨勢,等大家可以更好地裝備自己,知己知彼。

喺最後階段,參加者會進行模擬工作測試。成功入圍並獲創科公司聘用者,獎品唔再係平時打機嘅虛擬獎盃,而係喺現實世界去矽谷體驗,同科技巨頭面對面交流!

仲有更多招聘活動等你參加!

除此以外,香港科技園公司將於3月14日起,舉辦一系列「大灣區創科飛躍學院」大師班活動,包括五場由業界專家主講的網上研討會,將會探討香港及大灣區微電子技術發展趨勢及就業機會,活動由2月27日起接受公眾報名。

「Talent Game On 2K23」會喺3月18日至4月17日期間,舉行全港最大型的年度「香港創科職業博覽會」,為來自世界各地的僱主同求職者,提供一站式線上創科工作配對平台,千祈唔好錯過喇!

以前成日覺得求職好多routine嘢,但「Talent Game On 2K23」畀大家喺「用實力說話」!消除咗搵工過程繁複沉悶嘅刻板印象,仲可以好好玩同有趣添。以後可以大條道理同阿媽講,搵工其實唔難,依家開始光明正大「日夜鍛煉去取勝」先!

(資料由香港科技園提供)

圖片來源:HKSTP