慳錢方法｜為買樓去旅行慳錢奇招 午餐食$30飯被藐爆

樓主：覺得佢應該好有錢

該網民以「身邊有冇啲慳到ＸＸ嘅人」為題在連登討論區發文，形容有朋友「去shopping係去深水埗特賣場，問親佢都係話幾蚊，十幾蚊，食午餐見餐牌有3x$一定叫，無先焗住食5x 6x$，放工車埋佢話佢慳左幾蚊，但覺得佢應該存款好有錢」。

網民：慳自己都唔得咩

貼文一出隨即引來網民熱烈討論，部分網民認為樓主朋友的做法並沒有問題：

• 「平時返工食飯我都會揀平。」
• 「返工自己食有咩所謂，平時同朋友屋企人食就可以揀好啲。」
• 「有乜問題，同一件貨賣10蚊同20蚊你會比幾多錢買？」
• 「慳自己都唔得咩，都係睇吓個性價比姐，我嗰區$5X個lunch都可以勁Ｘ難食，咁不如食around $30算。」
• 「可能佢係慳食飯，覺得呢啲野唔重要，平少少都係咁食，另一面投資好大筆又唔奇，人人唔同，有財富但慳嘅人都唔認同人大洗。」
• 「大佬6x蚊同3x蚊都可以食飽，咁點解唔叫3x蚊，6 x蚊又唔係好食啲。」

「今年開始，返工盡慳，早餐轉左晌屋企食烚蛋，自己沖咖啡，中午食Canteen，連埋車費一日唔洗$50，Weekend出街食飯買野會豪返啲，咁樣嘅模式幾好。」

網民：背後買啲貴嘢唔同你講啫

此外，亦有網民道出樓主朋友這類人慳埋慳埋其實是用於旅行或買樓等用途，又或者最終輸在股票上：

• 「佢背後買啲貴嘢唔同你講啫，大把人慳慳埋埋但又會好豪咁喺啲興趣度。」
• 「通常都係用喺旅行，見嗰班人旅行就豪洗。」
• 「我估食要夠慳，賭要夠豪。」
• 「識有個人慳慳埋埋，原來佢副耳機成皮幾嘢，屋企又多Hi-Fi。」
• 「有，結果輸晒係股市。」

網民分享極端慳錢例子

亦有人分享身邊朋友的極端慳錢（呃錢）例子：

「以前中學有個fd成日痴餐，食飯成日叫人俾住先，一係就差幾蚊，食燒賣魚蛋都唔捨得食，食人地果d。結果發現條友拿d錢買動漫女角figure ，仲要成千幾銀，正乞衣、原來住私樓，仲要有錢去外國讀書。有d人天生係ＸＸ搵人著數，之後無再聯絡。度縮ＸＸ人辦。」

「佢明明就想轉（凍飲）但又要因為個少少錢扭扭捏捏，我想表達係如果真心同fd食飯都係個一餐半餐姐，日日要你咁食咩。」

「我話之你平時帶飯食頹飯，但約得人出來食點都要體面，講真人大咗可以有幾多時間出來食個飯，講真又唔係搵唔到錢，一餐幾百蚊都唔捨得就唔好出喇。」

改變原生家庭習慣不易

此外，亦有網民理性分析此類人的慳錢習慣是源自原生家庭，要改變並不容易：

「老實佢都無得揀，一個人生活習慣/價值觀，好多時都係原生家庭耳濡目深（染）形成，除非遇到一d重大事故/打撃而有所領伍（領悟），如果唔係真係唔係話改就改。」

延伸閱讀：沙田鎖車第一城｜料年收130萬元、日鎖11架車 有車主携電鋸鋸鎖避罰款

延伸閱讀：巴菲特Q3再輸100億 巴郡其他業務撐住股價：經營利潤按年增20%！