日本買樓

80後港女做日本代購月賺9萬 80萬日本買樓做業主

理財

廣告

當了13年娛樂版記者的阿風,兩年前在機緣巧合下,以1萬元創業,踏上其日本代購之路。相關文章:80後女娛記裸辭做日本代購 1萬創業 月賺9萬Tips大公開  由於經常要前往日本代購入貨,眼見日本樓價尚可負擔得起,阿風去年就在索性在日本買樓。既可節省到日本入貨時租酒店的開資,也方便她寄存貨物。

撰文:Hody  | 圖片:Man、受訪者提供

在香港買唔起樓

另一個促使阿風去日本買樓的原因,是「因為在香港買唔起樓!」

雖說她的日本代購店生意不錯,月入可達9萬,但她坦言在香港生活的開支都很大,要在香港買樓絕非易事。

「店鋪生意有賺有蝕,要我供真係供唔起!仲要供幾十年!」她苦笑。

80萬港幣日本買樓

阿風與家人相量後,認為日本的樓價勉強可負擔得起,幾十萬已經有個幾百呎的單位。

「因為自己平均一個月都會飛一次日本,通常都會逗留一星期至12日左右,如果喺日本有個自己嘅地方,就可以慳返租酒店錢,」

最主要原因是有個地方可以擺貨寄貨,她在家煮食都比在酒店方便。

結果她於2017年12月,在她經常去入貨的日本大阪購入一個約240呎的小單位。

「日本間屋喺大阪,個地方叫上本町,搭兩個站就到難波,位置算係市中心,交通算方便。樓價大約70幾萬港幣,加埋其他雜費就80萬左右。」

若出租可收$4,000至$5,000港幣

她續說,據日本當地地產資料指,她購入的單位若出租,租金大約有$4,000至$5,000港幣。

「香港買個車位都唔得!而且我真係有需要,所以當時好快就決定買!」阿風邊說邊拿起手機讓記者看她的日本單位的照片。

日本的生活指數高

日本的生活指數高,她指每月去日本十多日的使費都「盡量慳得就慳」。

日本的生活費貴是人所共知的事,簡單舉個實例,單是她上月去日本入貨逗留的12天,在日本家使用的電費就要港幣約250元。

而每月住十多天的「水、電、媒」加管理費、雜費等,平均要港幣1,500元左右。

日本買樓比租酒店划算

說到買樓的途徑,本身不懂日文的阿風指,香港其實有很多有關日本買樓的講座,她去日本買樓前就經常在家人陪同下前往取經,了解多一啲相關資料。

而因日本代購工作的關係,認識了住在日本的香港朋友,碰巧對方熟知在日本買樓的行情,所以買樓一事進行得比想像中順利。

日本的家入伙至今已有半年,但阿風卻指在日本生活仍有些不習慣的地方,「日本喺垃圾分類方面做得非常仔細,而且我住嘅地方每日嚟回收垃圾嘅種類都唔同,例如逢星期一、三是回收塑膠類; 逢星期二就回收另一類咁….我自己到而家都未搞的清楚…」她一頭霧水的說著。

不過,阿風坦言若她的日本化購生意持續發展,以長遠計,在日本買樓總比租酒店划算,入貨也更方便。「家人知道我自己一個女仔喺日本有個地方落腳,都會安心啲。」

體驗1分鐘貸款批核 隨時提款話咁易

平遊東京不是夢!最平住宿喺晒呢到

去大阪想搵住宿?識睇一定睇呢到!

去首爾掃貨住邊好?入嚟幫你格價搵至抵住酒店!

短trip遊台北叉叉電,即訂平、靚、正住宿出發!

去旅遊想搵住宿?識睇一定睇呢到!

延伸閱讀:

80後女娛記裸辭做日本代購 1萬創業 月賺9萬Tips大公開