六天工作做人冇意思 網民砲轟

四天工作|打工仔嘲六天工作做人冇意思 反遭網民砲轟:綜援一個月有30日假

職場

廣告

今時今日,在Google搜尋器打「五天工作」都已經過時,置頂相關搜尋幾乎全是各國四天工作制。然而,幸福的事情好像不太會在香港職場發生,就連「五天工作」都不是理所當然,日前更有網民因發文指不理解為何有人接受六天工作而遭砲轟。

六天工作做人冇意思 網民砲轟
(圖片來源:政府新聞處)

樓主:瞓醒已經星期日11點

日前,有網民於FB專頁「奴工處投稿」,指「老實講唔知點解仲會有人接受到六天工作/ 長短週,正職嚟講小弟淨係返過五天工作,其實五天工作真係好基本,星期六日眨下眼就完,其實都係冇咩休息過。以前返過PT,一至六都要返工,禮拜六晚11點收工,返到去沖埋涼 ,瞓醒已經係星期日嘅早上11點,食個午飯行下街,太陽都落山,然後又繼續六天工作,做人有咩意思?」

網民:人工多60%先會考慮

帖文一出,隨即引來網民兩極討論,有網民認同樓主意見,認為其他國家已經研究四天工作,建議抵制六天工作:

  • 「以前返過一份5.5,以後都唔考慮。」
  • 「如果由5日工轉6日工人工多60%先會考慮下。」
  • 「X工處搵嘅,多數人工低又要返6日嘅X工多。」
  • 「呢排先知而家仲有文員係返6日! 痴線, 有冇人肯做?」
  • 「有國家已經研究緊4天工作,不過唔會係香港。」
  • 「強烈建議一齊抵制六天工作。」
  • 「雖然話窮就要頂硬上,但6天工作唔見得高人工d,仲要容易跌入窮忙一族,惡性循環。」
  • 「而家有一些工作時間長但係返5日,雙方都有賺覺得唔錯。」
六天工作做人冇意思 網民砲轟
(圖片來源:政府新聞處)

網民:搵唔到5日工唔洗養家?

然而,並不是所有打工仔都站在打工仔的一方說話,甚至有網民反過來揶揄甚至砲轟樓主離地:

  • 「不如試下攞綜援吖,一個月有成30日假期。」
  • 「唔駛返工最好,保証你人生既時間好充裕。」
  • 「作為香港人,返工就係你嘅人生,所以大家要習慣,甚至鍾意返工,如果唔係點樣成為一棵出色嘅韭菜?」
  • 「人人都想返5日工,搵唔到5日工就唔洗養家糊口?」
  • 「你想做寫字樓咪搵5日工囉。你做倉務果行做shift果啲,有本事咪睇下有無5日工搵到囉!」
  • 「你搵到5日工作咪你幸福囉,唔係個個好似你咁丫嘛!」
  • 「你返五日朝9晚6,OT 5個鐘,我返6日朝8晚6,計工時仲少你10個鐘,你唔明返6日工,我唔明點解咁多人鍾意做義工。」
  • 「咁實有啲行業係需要6天架喎,空運仲要輪班tim,返到5天係你幸福冇入錯行姐。」
  • 「有啲專科醫生返緊6天工作(計埋on call),但拎緊5萬以上咁比著你又做唔做?」

「我都知阿媽係女人,唔係行行都做到呢大哥,有啲行業唔可以定時放假,專業既仲死雖然揾得多錢,但要就上下家隨時人哋放假你都要返去砌,然後補假比你,所以都係你睇我好,我睇你好架咋。」

用時間換錢係最蠢?

有網民就指出最終極問題是價值觀問題:

  • 「用時間換錢係最蠢既行為。」
  • 「講錢嗰啲無問題,計吓自己每個鐘值幾錢先。假設15000返6日10個鐘,30日計你時薪只值50,你一個鐘都唔夠食飯。得4日假,你返工以外嘅人生只值2000。即係你老細只係俾2000就買起你個人叫食屎,另外13000係幫佢創造多過13000既收入。」

【早鳥優惠】黃國英2023投資主題推介

恒指低位勁彈8000點!後市如何部署?

《經濟一週》主辦 股壇反攻大藍圖 2023 邀請到黃國英分享分析2023投資主題,透露黃國英心水選股名單!想捕捉熊轉牛?請立即報名!

圖片來源:政府新聞網