搵工

搵工遇著極品男HR 要同成車乘客做interview

職場熱話

廣告

一間公司第一個接觸求職者的員工多數是HR,以往打工仔一直認為不要得罪HR才能得到好offer。但隨著時代變遷,求職者與公司的關係越趨對等,HR若果仍然是一副高高在上的態度的話,不少求職者可能會認為這代表該公司並不屬於太好做的公司,因而拒絕公司offer,造成雙輸局面。

事主:HR自己時間先寶貴?

日前,有求職者在FB專頁「奴工處」發文,大呻近日搵工遇著「極品男HR」,結果還未正式面試便不歡而散。

事主表示,「本身邊返工邊搵工,錯過HR電話惟有盡力補救。最近與極品男HR交手,我幾次回電話,不是飛線,就冇人聽。」

然後當該HR的電話終於接通後,一時又說「要搵line manager一齊傾」,一時又說「不是official interview,只是問返CV一啲嘢」,結果來回幾次,事主又試過在約定好的時間被HR放飛機。

後來該HR於一天傍晚7點幾打電話給事主,但事主因等巴士而錯過了電話,該HR就語帶不滿地說「搵咗你幾次,都搵唔到你囉 ! 」

最終事主回電,一開始便表明在巴士上,不方便說太多,但HR雖然繼續強調這並非正式面試,卻要事主就過往工作經驗逐一解說,事主最後忍不住回敬:

「其實我不是同你做緊phone interview囉,係同緊成車乘客做緊interview囉!」

最後事主問網民,「HR係咪覺得自己時間先寶貴?有冇想過你缺的不是時間,是安排時間的能力呀?」

搵工 極品男hr 成車乘客做interview
(圖片來源:unsplash@arronchoi)

網民:好多HR以為間公司係佢

帖文一出,隨即引來網民熱烈討論,大部分網民同情樓主,並揶揄HR:

  • 「未見都咁多麻煩野,咁咪唔好繼續見呢份工。」
  • 「人地唔聽你電話,你仲不停打過去,係明顯嘅跪舔,唔會令人覺得你尊重佢,反而覺得你好緊張呢份工,所以對方更加唔會放你在眼內。」
  • 「HR既人係咁,佢以為自己係掌握應徵者命脈的大神,其實佢自己都係食物鏈最低層。」
  • 「好多HR以為間公司係佢。」
  • 「HR心想:下??乜我唔係大X哂㗎咩??你唔係跪求緊我份工㗎咩??我手上枝雞毛係令箭嚟㗎嘛,唔係咩??」
  • 「入面d人質素好極有限。」

網民:HR都係三煞位

此外,亦有網民分享自己遇上麻煩HR的經歷:

  • 「HR搞一單嘢搞咗我就嚟四個月:你一句轉人做外判,公司既決定當然做唔到,一個月搵內部轉職,無人理,第二個月話更新系統,唔郁得,第三個月,外判公司做background check,入咗N次email又企一個月,已經兩度唔放人,人哋好心改兩次contract者,仲要凶人話過唔到當就要賠錢俾公司,我兩份人工個差價邊個賠呀?」
  • 「前公司個HR係Zoom meeting講完唔認數,好彩我有錄低,第一次奶曬野第2次當面傾又唔認數,我就大X佢話有錄音先真係confirm我(利申:當時處理緊離職嘅野同埋個HR係HR最大果個)。」

亦有少數網民幫HR解釋,認為可能這是見工的一部分,又說HR其實是三煞位很慘:

  • 「其實或者係HR測試你嘅忍耐力同態度,我試過大公司見工時HR態度非常惡劣,但結果請左。」
  • 「HR都係三煞位,請到又無人讚,請得唔好又比人話識唔識請人,請唔到人又比人話廢,點解咁耐都請唔到人。interview遇著極品又係大鑊(我唔係話留言個位係極品,勿誤會)。當然都有啲係自我感覺強大嘅HR,永遠睇唔起求職者,永遠唔明咩叫你揀人人揀你。希望大家遇到好嘅HR同求職者,World peace。」

圖片來源:unsplash@arronchoi