見工填表「公開考試成績」一欄得DSE 被HR當場串爆：請問A-Level係咩嚟？
廣告
不自不覺，原來最後一屆A Level已經9年前的事。新高中學制下，香港中學文憑試（DSE）已經推行10年，不少考DSE的同學仔都已踏入職場。近日，有考A-level網民在社交媒體投稿分享自己求職遇到年輕HR的趣事。
樓主表示自己是A-Level 考生，最近見工填寫申請表格時，發現「公開考試成績」一欄只有DSE成績可填，感到十分不解。而令樓主更加驚訝的是，當他向人事部同事表示自己考A-level後，竟被對方反問A-level是什麼。
「最近見工要睇公開試成績，佢個表只係得DSE成績填，我問HR A-level 點寫好。佢問我咩係A-level。」
網民：識A level都好老喇
樓主經歷引來大批「資深打工仔」同情，有網民覺得年輕同事不知何謂A-Level可以諒解，認為「識A level都好老喇」。
- 「會唔會係 fresh grad，剛出社會工作，有啲後生嘅真係聽都未聽過 A-level。」
- 「佢可能暫時只係負責啲小工作， e.g. 比 Candidates 填表、約 interview…等等。」
- 「間公司可能淨係想請後生仔。」
網民：基本常識嚟㗎喎！
不過，亦有不少網民認為，即使是DSE年代的考生，也不至於未聽過A level或會考，而且對方是人事部同事，應該要更加清楚。
- 「佢公司個表得dse 都好有問題啦。」
- 「真係常識黎，唔關咩年紀，咩年代事。」
- 「又唔好睇少00後FG, 我公司都有00小妹妹做HR，都知咩係A level。人嘅常識問題。」
- 「雖然DSE都運行咗10年…但無理由A-Level 係乜都唔知咁誇張…」
網民：其實問嚟有咩意義？
亦有網民反問為何事隔多年，公司要仍然要執著於面試者的公開考試成績。
「其實最後一屆A Level已經9年前，做咗咁多年嘢，唔明D公司問A Level來做乜。想讚你N年前讀書好叻？」
「其實唔係好明點解要寫成績，大學cert已經OK… 佢真係以為每個人細個生生性性無風無浪？我都見唔少中學成績唔好，但係大學同埋出嚟做嘢好好。」
圖片來源：政府新聞處
