FG傻豬想收埋利是先走？試用期最後一日辭職 計錯通知期要返多一個月

可以連放5日當然爽，但竟然有準備辭職的打工仔疑似為了不想蝕紅日給公司之餘，更想返埋年初五做last day逗利是，將遞信日期計到盡，更差點玩死自己！

撞正新年假唔識計

近日，有網民以「試用期最後一日辭職」為題在連登討論區發文，指自己是應屆畢業生，去年10月20日第一日返工，有三個月試用期，試用期內辭職需要7日通知，目前有新offer因此打算辭職：

「如果我1月20號遞信，我係咪寫26號last day？定係我1月19號要遞定信？因為22-25號新年，我唔係好識計，唔該大家幫幫忙。」

食盡紅日VS建議即遞

帖文一出，網民集體食花生，有網民支持樓主不應該蝕紅日給公司：

• 「19號resign食盡紅日啲糧。」

但亦有人建議樓主不要計較紅日，及早遞信放多幾日假好過：

• 「早幾日遞唔洗煩。」
• 「想就早啲走，度縮數食埋紅日就預比人玩到下個月。」
• 「建議即遞，過年前玩多幾日。」

網民：想r埋利事先走？

有人就揶揄樓主想逗埋利是才走十分度縮：

• 「樓主想r埋利事先走？好心唔好咁度縮。」
• 「玩野咩，特登26號返一日，梗係25號last，19號比信resign。」

差點計錯試用期

不過唔蝕紅日和逗利是都不是重點，有網民發現重點是樓主差點計錯試用期，遲一日遞信要做多一個月才可以走，返唔到新工隨時玩死自己：

• 「10月20返工，你試用期最後一日係1月19號，19號遞信，last day係19+7=26，簡單數學黎喎大佬。」
  （編按：19號遞信，7日通知last day為25日。）
• 「點解係26號？你19號已經過左試用期，你20號遞，要下個月21號先走得。」
  （編按：20號遞信，一個月通知last day為下個月19日。）

最睿智的建議是叫樓主不要自己寫Last Day，留返俾HR計：

「遞信就遞信，唔好寫last day，等HR計你邊日last day。」

辭職通知期、最後受僱日點計？

《僱傭條例》列明雙方在終止合約時，需給予對方適當通知期或代通知金。

一般打工仔

頭一個月無須通知期，可以即日離開；第二個月到試用期完結前就要7日通知期；過咗試用期就要一個月通知期。當然，每間公司，甚至每個職位都可以有不同嘅通知期，所以要睇返你入職時簽嘅合約作準。

一個月嘅定義就係：遞信日起至下月同一天的前一日。如1月24日遞信，最後受僱日就係2月23日。因為唔係人人都返office工，「一個月」就係Calendar month而非Working days。即使2月23係星期六／日／紅日都好，總之俾夠一個月通知就走得喇！

延伸閱讀：打辭職信須知：離職通知期、最後工作日點計？可扣年假？

延伸閱讀：打工仔辭職後有得分Bonus？網民狂嘲「太天真」：試過畀公司即時Cut轉賬！