點解辭職要派散水餅？網民：外國公司係同事夾錢送禮攪party
廣告
辭職離開公司，少不免會同同事食餐飯，以及在last day派散水餅予認識的同事，好好說再見。不過這個職場習慣就有網民問起：「為何辭職要請人食散水餅？」更有網民分享，外國公司沒有「散水餅」這回事，似乎是香港的辭職文化。
散水餅由來：前人做壞規矩？
辭職夠鐘「散水」，為什麼要派件西餅請同事食？有網民笑言是前人做壞規矩，不成文的習慣，令大家離職都要破財！
- 「仙貝（前輩）做壞規矩。」
- 「其實根本多舊魚。」
- 「其實唔請會有咩後果？」
- 「可能以為好黎好去。」
只有高層離職先會請食餅
有網民就分享，雖然散水餅已是固有的職場文化，但以往只有高層離職時，才會買西餅或咖啡請一眾下屬同事食。也有網民分享他的同事離職，反而是上司送花、西餅歡送他。
- 「只有好高層離職先會買餅/coffee請班手下。」
- 「我同事走乜都冇買 反而啊姐送花俾佢。」
散水餅質素代表「有好路數」？
派散水餅除了有禮貌性告別同事的意思外，有網民亦分享由一件散水餅可以看得出當事人是否有好路數！
- 「其實係代表走果個有好路數，走得風光，啲餅（小食）直接代表左你經濟情況。」
- 「結婚去飲俾人情，辭職派散水餅。」
- 「都可以係啲人做得開心所以送少少心意比同事。」
外國公司興夾錢送禮攪party
香港打工仔辭職興派散水餅，外國公司原來係興一班同事夾份送禮以及攪party歡送離職同事。有網民就分享自己經驗，一班同事為他farewell！
- 「外國公司有人走通常都係同事夾錢送禮物攪party。」
- 「同事幫我搞farewell party，我都好識做買左盒朱古力請大家食。」
- 「D同事肯請食餐飯歡送你嘅，咪請食餅盡下禮數囉！」
- 「問過外國同事佢地文化係只會搞farewell party / 出去食餐飯。」
- 「外國真係同事買比離職同事，係香港先係咁。」
圖片來源：unsplash@Kelsey Chance, unsplash@Junseong Lee, unsplash@Taisiia Shestopal, unsplash@Lottie Griffiths
