Montara 新盤 將軍澳 日出康城 經一專欄 香港樓市2019

新盤Montara好難抽 3個方法 繼續靠買樓發達 |經一專欄|香港樓市2019

樓市

廣告

【Montara・經一專欄】朋友A: 抽唔抽到Montara呀?

朋友B: 冇啦!最前1800幾呀~~
朋友A: 都好丫,叠埋心水瞓多覺,唔使去揀樓。
朋友B: 你呢?
朋友A: 尷尬!最前500幾~~
朋友B: 咁應該有樓揀喎,有重叠飛嘛。
朋友A: 係…我都搵晒屋企人幫手,入咗8張啦!
朋友B: 咁咪好囉,有樓揀~~
朋友A: 揀鬼咩,排到咁後,肯定淨番啲貴嘢啦~~
朋友B: 咁又係,今次冇高成數按揭
朋友A: 咪係囉,4、500萬首期,點買?
朋友B: 算啦,都係買番二手~~
撰文:1%Anthony | 圖片:Montara、新傳媒資料室、unsplash

 

沒有最顛,只有更顛!

早幾個月都仲講緊貿易戰、加息、經濟衰退、樓市下跌…幾個月之後全城瘋狂,根報導,將軍澳日出康城的新盤Montara,收到1.8萬票成為票王,就連白石角的海日灣,連同首輪向隅客都收到近6千票,筆者都有去Montara現場睇過,平日都人頭湧湧,買家要蹲在走廊開票,非常誇張!

Montara 新盤 將軍澳 日出康城 經一專欄 香港樓市2019

咁多人抽,抽唔到好正常,仲有咩買呢?

方向一:抽獎機會陸續有來!
喜歡玩抽獎,喜歡買新樓的朋友,毋須失望,因為今年到明年,將會有很多新樓供應,早幾年政府積極做地,預計今年可出售的新樓會有逾3萬伙,當中又以白石角、將軍澳及屯門等最多,今次抽唔到下次可以再抽過,不過好多朋友都擔心…

朋友: 越遲買,會唔會越貴?
筆者: 肯定啦!鬼叫之前市靜唔跟我哋買咩?
朋友: 會唔會貴好多?
筆者; 未必,始終供應多,相信開盤價唔會太進取。

尤其是一些貨量比較多的大盤,近年政府推出了不少針對新盤囤積的政策,例如空置稅等,相信開盤價應該唔會太進取,但如果銷情理想,不排除之後幾輪會加價,尤其是貨尾,好似之前啟岸,筆者都有不少朋友買,貨尾價錢貴逾兩成。

但要事先張揚,由於近一兩年做地緩慢,施工放慢,資助房屋與私樓比例調整至7:3,最重要是政府提出的填海方案受到多方面反對,兩年之後新樓供應將會下跌,到時就…

方向二:抽得咁辛苦,不如買二手!

近日有學員趁個個去晒抽Montara,鎖住購買力,區內二手稍為靜一靜,閃電式在區內買咗一個三房單位,呎價非常比Montara仲要平一截。除了將軍澳之外,又有學員在觀塘區買入一個兩房的二手單位,5百多萬就買到近4百呎,由於銀碼在6百萬以下,仲可以做到8成按揭,非常抵住,而且同樣可以享受東九龍發展的效應,幾年之後凱匯入伙,相信會升值唔少。

Montara 新盤 將軍澳 日出康城 經一專欄 香港樓市2019
【Montara・經一專欄】圖片:新傳媒資料室

方向三:兩手準備,進攻其他物業!

不少學員之前已經趁跌市撈底,只是還有資金未用盡而已,既然本地住宅開始搶高,沒有必要瘋搶,兩手準備,一方面準備好資金、名額,有筍盤就買,冇筍盤就一於進攻其他市場。筆者最近買了一個車位,價錢挺便宜。大陸兵團最近考察了一些地方,非常底水,準備出團了。工廈兵團亦磨拳擦掌,準備出擊。
投資機會多的是!

問題是你自己是否願意放開自己的眼界去學習而已~~

Montara 新盤 將軍澳 日出康城 經一專欄 香港樓市2019
【Montara・經一專欄】圖片: unsplash

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看