32歲仔5年內買3層樓 「機會難過中六合彩」｜買樓｜網民熱話

撰文：麗爾｜圖片：電視截圖、unsplash

樓主：

2015年 28歲既我用曬5年既儲蓄買左九龍城一個單橦式私樓 當時講緊500幾萬 (而家已升到大約900萬) 現放租

2017年 當時既女朋友 (現在既老婆) 抽到牛頭角既居屋(不過好細) 佢比左28萬首期 我就負責供 而家都一直住緊呢度 同埋係未補地價同埋係佢名的

2019年 人生第三層樓 連埋DSD 同老婆加埋比左300幾萬首期 買左第三間樓 (其實好大風險，因為而家我同佢都加埋都係剩返30幾萬) 下年11月入伙 打算放租 好多人都話我新樓放租好浪費，不過老婆好鐘意果道 可能過幾年將層居屋會補返地價之後換間細私樓 之後就住呢度

雖然呢個唔係我一個人既功勞 我老婆都出左一百萬左右既助功 但都總算一個家庭有3間屋。 真係唔知我既決定係岩定錯，但我都係相信買樓就絕對唔會錯 雖未知下一步會係點。

樓主有補說自己做B2B sales ，幸運地升職算好快。當時搵55-60K一個月，樓主同屋企人住， 屋企人知佢儲錢唔收佢家用。

樓主有提到擔心呢個決定可能太搏，有人留言表示「唔買都買左, 最緊要係睇下萬一是但一個失業, 可否有儲備頂一年半载, 有就唔使驚。」

「集郵真係會上癮，不過肯比DSD，淨返30萬流動資金，仲要老婆大肚中，好似有D搏，點都恭喜你…」

「又唔使咁担心, 真係唔掂咪賣左第一或第二間, 到時3年SSD都過哂喇。」

有網民則表示可以投資其他項目，唔明點解要呢一刻買樓。「如果你15年買500萬九龍城，都唔會係大單位，點解唔換間大的舒服自己？」

「你32歲，距離40歲有8年，當你唔再放錢落層樓先，兩層樓收番黎的租，扣埋mortgage管理費果啲，有錢賺都唔會多。
如果靠呢2層樓，你expect呢8年佢升幾多，以至可以達到你所謂的財務自由？2倍？」

「 講真我識好多人有2間以上，但全部係03，08果啲低位入，無見過15年買第一間的人會買2間，換樓就好多」

另外有人提出近親轉讓可慳唔少稅，將手上幾個物業轉晒俾老婆，咁樓主即可變光頭仔，即無樓人士。每次當樓主重新買樓時，就只當你第一次買樓咁計稅。相同經驗者表示老婆只準備買第2間，見有人教可以用近親買賣佢轉比係或你轉比佢只係收返舊稅，而另一位即時回復首置。

「你好明顯係唔信你老婆到寧比多15%，她都有左你個仔啦，大不了離婚，都係分身家，一樣的。」

樓主則回應：「經紀有提過 但呢個好似有啲風險 唔係唔信老婆 但都想有返少少保障」

有網民擔心税局查近親轉讓。認為唔怕嘅網民答：「有乜問題？正常程序，你set 得個玩法出來就係咁玩架啦。」

有支持樓主決定的網民表示：「識唔識（近親轉讓）係一回事，樓主都講左買個保障，唔通買到第5層過晒4層比老婆自己得1層咩？
同埋其實如果樓主層新樓大銀碼，新樓舊稅加近親轉讓果一半業權既舊稅，都直接比新樓15%稅都唔係相差太遠。」