六合彩 樓價 經一專欄 香港樓市2019

畀個願望你 想樓價重返2003年 還是中六合彩即時有$3,000萬|經一專欄|香港樓市2019

樓市

廣告

六合彩經一專欄】筆者: 呢個問題幾有趣,諗吓都開心…

如果俾你一個願望,你會揀…
A)中六合彩即時有3000萬
B)重返2003年

撰文:1%Anthony | 圖片:新傳媒資料室、unsplash

唔揀六合彩

朋友A: 梗係要3000萬啦,2003年我得十幾歲,做得乜?
朋友B: 當時我廿幾歲,我揀重返2003年。
朋友A: 3000萬都唔要?
朋友B: 當年如果把握機會,肯定唔止賺呢個數!
朋友A: 點解你冇把握到呢?
朋友B: 當局者迷嘛…

當時人人自危,點知道原來係一生人最大嘅機會!

筆者: 機會往往就係咁~~
朋友B: 可惜大部份人都冇吸收經驗,不斷錯失機會!

相信很多人都會選擇後者

朋友說的對,3000萬算甚麼?
如果回到2003年,好好把握機會,賺到的肯定遠不止於此。

當時香港正面臨本世紀最大經濟危機,人人自危,覺得沒有希望,樓價從1997年的高位大幅下跌7成,是甚麼概念呢?年青人可無法想像,今天5、600萬的上車盤,當年7、80萬就有交易,筆者記得當年沙士重災區淘大花園,未被發掘的港島西,一個兩房單位甚至6、70都買得到,翻了7、8倍。以3成首期計算,大約20萬就買到,就咁買間自住樓,本金賬面都翻近30倍。

六合彩 樓價 經一專欄 香港樓市2019
【六合彩・經一專欄】圖片: unsplash

當然,如果重返2003年,又點會只買一層自住樓
當年筆者都唔夠膽,直到2005年真正有自住需要的時候,才買入第一個物業,那時候樓價已經升了4、5成,市區一個兩房單位已經由6、70萬升

到逾100萬了,好在當時銀行開始放水,最高可以做到9成按揭,即10萬元就可以買樓了,加上沒有辣招,借貸又鬆,隨隨便便就可以買幾間,樓價升了又可以再加按、再買,就以筆者的學員為例,手持10層樓以上的比目皆是,如果重返2003年,知道將來咁好錢景,再進取啲,20層都不為過,點止3000萬?

無數人!後悔2003年沒有買多幾層樓…

然後呢?陸陸續續都有機會,例如2008年金融海嘯,到了2009年經濟穩定之後,為了鼓勵置業,按揭最高可以借95%,當時筆者的一巴仙培訓中心剛開幕,親眼見到不少學員以5% 首期買樓,例如河畔花園、金獅花園等,當時120萬左右就買到,不少同學只付了6萬首期就KO,今天本金翻了幾十倍,還未計一變二、二變四。

無數人!後悔2003、2008沒有把握機會…

之後還有2010年底初推辣招、2013年初推出3D辣招、2015年底細價樓爆破、2018年底中美貿易戰…一次又一次錯失機會!每次機會來到的時候,總有很多負面因素,例如最近一次跌市,筆者多次發文應該要把握機會入市。

自己亦身體力行,提早收爐,不斷與學員們出去掃貨,現在陸續收樓了。然而當時網上飽受批評,又話嚟緊有排跌,叫人買樓等同叫人去死等等。

如果過往幾次機會,你都沒有把握…
不要緊,將來還有機會!

當然,一定冇以前咁抵!亦有很多辣招束縛,有錢都買唔到咁多!但是你最少要學會,每次機會來臨的時候,總會有很多負面因素,要調整自己的心理質素,面對逆境,要懂得客觀分析,不然只會一次又一次錯過機會。最重要是認真學習投資,香港不會重返2003年了,辣招也不會撤了,想投資賺錢,技術要求比以前高,要認真學習,與成功的投資者為伍,當機會來臨時才能夠充份發揮。

如果真的想倍翻,還有機會的…
大陸很多城市正高發展,樓價基數仍低,有機會倍翻,但要面對很多人對大陸樓的負評,要重新學習,你又意踏出這一步嗎?

六合彩 樓價 經一專欄 香港樓市2019
【六合彩・經一專欄】圖片:新傳媒資料室