陳琪離巢後成功轉型做KOL 月賺6位數撼贏葉翠翠｜創業淘金

原文：東方新地｜圖片：東方新地 | 整理：亨利

陳琪成功轉型做KOL

17年拍完《宮心計之深宮計》離巢無綫外闖的陳琪，講明離開是為尋求更多機會，加上是兩女一子之母，要留更多時間照顧家庭，陳琪最終選擇放棄幕前工作轉做KOL。

據知情者透露:「喺無綫拍劇雖然工作量唔算太多，但始終比較困身，嗰時個仔啱啱出世，要湊住個 B B 又要睇住兩個女要花好多精力同時間，陳琪見近年 KOL 有出路，喺屋企做直播又方便照顧小朋友，於是決定唔續約轉型試一試!」

現時已成網絡紅人的陳琪，食住幸福師奶形象，獲唔少品牌垂青，每月收入超過六位數字，不過陳琪都唔係一開始就一帆風順，頭三個月收入微薄，她亦唔怕辛苦努力做各樣產品研究，了解家庭需要，靠積極捱出頭，近月便成功揮低曾是網絡紅人的葉翠翠，成為親子界賺錢王。

轉行做 KOL，陳琪有更多時間照顧家庭及仔女。

早前她更專登陪同大女到北京參加學校的遊學團， 廿四孝媽咪事事緊張。

積極捱出頭

據知情者透露:「其實初期好多產品都係贊助冇收入，不過陳琪都唔介意一步步嚟，等自己儲多啲粉絲先，可能因為佢同老公胡仔( 胡諾言 )形象夠健康，好快佢已經吸納唔少師奶支持，最緊要係佢哋一家都生活貼地，屋企有老有嫩，感覺到佢打理頭家好用心好全面，同班師奶好多嘢都啱傾。」

「本來葉翠翠靠親子形象轉型，一路有唔少支持者，不過後尾翠翠因網購問題同粉絲罵戰，加上相比 陳琪嘅貼地，翠翠就比較高不可攀，所以分享持家心得嘅胡C9，就令班師奶好受落，依家陳琪喺 fb 已經有近十萬 followers，收入多過佢做藝人！真係幫屋企賺唔少家用！」

今年是陳琪同胡諾言結婚10周年， 早前兩人就帶同三個仔女重影婚紗相，表現興奮的陳琪，坦言希望日後每 十年都影一次，直至兩公婆變公公婆婆都要影，相當浪漫。幾時都話藝人有健康形象等同有運行!嫁到個顧家好男人，陳琪賺到幸 福家庭仲賺埋錢，胡 C9今次真係雙贏嘞！

爭做KOL

近年網絡平台衍生無限商機，唔少藝 人都紛紛轉行做 KOL賺錢，粉絲隨時多過留電視台拍劇。

除咗陳琪、葉翠 翠，還有結婚八年的陳倩揚，夫妻檔 陳智燊宋熙年，都轉做KOL發圍。