裸辭搵工 心力交瘁 網民:請假見工真係好煩 |網民熱話

裸辭搵工 心力交瘁 網民:請假見工真係好煩 |網民熱話

【裸辭・網民熱話】有打工仔指自己剛剛裸辭,覺得找新工很麻煩,轉工真令人心力交瘁,希望自己「last day前搵到工」!

撰文:享利|圖片:unsplash、電視截圖、新傳媒資料室

樓主:

「本人岩岩裸辭左,準備全力搵工,請假見工都唔洗唔好意思

番左全職一年幾,覺得搵工真係好麻煩,上年fg ,今年想轉番自己鐘意既field ,變相又等同放fg

每次interview都要準備相,準備copies,有啲公司連cv都要你準備埋

又要睇屋企人黑面,真心搞完一大輪,結果又唔請,心力交瘁

係呢度拜一拜interview god offer god,希望我last day前搵到工

Btw,有無人見工唔會影印d cert ,等hr 幫你copy?」

裸辭 轉工 公司 請假 見工 老闆 職場 網民熱話
圖片:電視截圖

祼辭多幾次就慣?

有網民指自己「每都係裸辭」!「人生點都要祼辭等自己諗下野,辭多幾次就慣」、「人生流流長,唔好命隨時做到七老八十,抖返一頭半個月冇咩問題」。

「grad 5年祼辭4次,每次都hea 4-6個月,下星期返新工了,人工仲高過同期grad做足5年無周圍走既人」。

亦有網民認為「裸辭先爽」、「試過裸辭休息幾個月」、「一樣裸辭去完旅行先搵工,有時都會擔心搵唔到,好彩有份兼職返下幫補下」。

裸辭 轉工 公司 請假 見工 老闆 職場 網民熱話
圖片:新傳媒資料室

另一方面,有網民對自己裸辭很後悔,「裸辭完好後悔,又唔想停薪轉工,點都想嗌高一兩千」、「祼辭要諗清楚」。

網民就認為「真係冇負擔先好咁做」、「我覺得有1年經驗同冇一年經驗真係有分別,至少gu處理問題上可以成熟左,我做左10個月都轉工,又係重新黎過」。

裸辭 轉工 公司 請假 見工 老闆 職場 網民熱話
圖片:unsplash

裸辭 請假見工很麻煩

不少網民就安慰其他打工仔「冇事嘅,總會搵到,差在搵幾耐」!

有網民也同意請假見工很麻煩,「我祼辭左兩個月先搵到份啱心水既工,啱啱返左新工無耐,不過一邊請假一邊見工好麻煩」、「近排好靜,唔敢祼辭,請假見工真係好煩」、「我都覺,煩完見工又要去煩醫生紙」。

裸辭 轉工 公司 請假 見工 老闆 職場 網民熱話

有網民表示不明白樓主「心力交瘁」的原因,「每次interview要相、CV、cert嘅copy 唔係例牌架咩?有乜心力交瘁啫,一次過映定幾個copy ,見工,要就一set 過比佢」

另外有網民指「有試過唔洗你準備copy 既公司?」,但有網民反駁指「好多都唔洗架喎,可能我唔係in咩大公司,hr first in通常拎你d cert同工作證明對一對資料,我好少見佢地會copy」、「見過咁多次工(10+),得一份要我自己copy」、「So far未試過,通常佢拎黎望一望,對一對資料就比番我」。