想賣樓、借財仔告前公司 網民:有料嘅大可以轉工|網民熱話

想賣樓、借財仔告前公司 網民:有料嘅大可以轉工|網民熱話

公司網民熱話】近日有網民以「比前公司搞到精神病,被辭職,可唔可以民事告前公司」為題發文,指出自己因為比前公司啲「無賴」搞到有精神病,要告前公司,又問網民有冇律師推介,不惜賣樓同借財仔,都要打官司,「只係想前公司d(啲)仆X死」。

撰文:SmartED編輯部|圖片:電視截圖|資料來源:lihkg

賣樓借財仔都要告前公司

樓主指,自己「五十幾歲,專業人事(士),原本月入四萬幾」,但「被辭職」。又問網民「冇律司(師)推介?問過財仔可以借到十萬八萬打官司。」話自己再唔係「賣左層私樓都有六七百萬,一定夠比律司費」。搞咁多嘢,淨係想告前公司。

公司 賣樓 借財仔 網民 轉工 網民熱話
【公司.網民熱話】圖片:電視截圖

網民:係有料嘅大可以轉工

此貼一出,引起網民熱烈回應。大多網民指,如果樓主真係專業人士又「有料」,一定大把公司爭住請,何必同前公司糾纏。勸樓主「不如唔好搞咁多野,休息吓算啦!」又有網民話「咪搞咁多野啦,你都識講有層樓6-7百萬,慢慢用夠過世生活」。

公司 賣樓 借財仔 網民 轉工 網民熱話
【公司.網民熱話】圖片:電視截圖

希望公司炒咗「搞事嘅死肥佬」

樓主又補充,原本想到60歲現退休,但公司有個「搞事嘅死肥佬」,令公司逼佢自己辭職。如果前公司可以炒咗佢,比自己入返去做到60歲,就可以放棄告公司。又話一直「仆心仆命為公司做野(嘢),假唔放,星期六日都返工做野(嘢)」,但估唔到得到咁嘅下場,覺得唔甘心。

公司 賣樓 借財仔 網民 轉工 網民熱話
【公司.網民熱話】圖片:電視截圖

有網民回應「希望你假膠啦,如果係真,無人要你星期六日做野(嘢),亦無人要你仆心仆命為公司做野(嘢),你工作時間合約上寫得好清楚,係你自己鐘意做義工怪得邊個?」「有人叫你星期六日返? 自己決定既根本係你奴性重」又勸樓主「告得贏都係為啖氣,輸左隨時陪埋堂費,係咪值得自己考慮下啦」

公司 賣樓 借財仔 網民 轉工 網民熱話
【公司.網民熱話】圖片:電視截圖

其他精警留言:

「唔甘心想爭番啖氣,就唔好再死都要入反去,去揾過間公司黎過,做得仲好過之前

,自己開心舒服又唔使煩」「獅子山精神係要返埋星期六日架啦,我地d後生又唔捱得又高分低能點識幫你」