診所職場事 北上 工作 地鐵 月薪 網民熱話

診所職場事 【寶豬趣聞】通眼仔 | 珍寶豬 | 經一專欄

職場

廣告

診所職場事・ 經一專欄】有日一位先生睇完醫生俾錢拎藥後,佢坐低望望啲藥…

佢行埋嚟問我:「你知唔知你每一日有咩都係每分每秒做緊㗎?」
我:「呼吸」
佢:「錯!」
我:「虛度光陰」
佢:「錯!」

撰文:珍寶豬|圖片:電視截圖

 

『你不如走啦』

咁都錯?有冇搞錯呀?
我於是唔出聲,等佢自己開估。
佢:「你想唔想知係咩呀?」
其實我最想知嘅唔係答案,而係『你不如走啦』
我擰擰頭。

佢:「係我X你呀!」
我每日每分每秒都同呢個唔識嘅男人在交合嗎?點解連我自己都唔知嘅?
我嘆咗啖氣,之後低頭繼續做嘢廢事理佢。
佢敲敲枱面:「喂,我話我X你呀」

著件制服以為自己專業人士?

哦,好呀,你由你X,我有我冇反應。
我:「先生,有咩事嘅你不如直接講啦,你尊重吓自己啦」
佢:「你呢啲咩態度呀?俾人X咁嘅態度㗎咩?死港女!」
咁我係咪要嗌過你聽呀?
我:「你有啲咩事呀?如果冇事嘅我繼續做嘢㗎啦~」
佢掉咗包藥上枱:「死港女!你自己望吓你做啲咩呀!著件制服就真係當自己專業人士呀?」
你著套西裝夠真係衣冠禽獸啦。

二乘三 係六呀

我望望包藥:「啲藥有咩問題呀?」
佢:「你真係唔知自己喺度做緊咩㗎喎!你係咪要我X你先醒呀?」
我:「你直接講你認為啲藥有咩問題啦,好冇呀先生?」
佢:「你擘大你隻屎眼望啦!係咪屎眼未通呀?其他十二粒,係得呢包得六粒咋!」
先生你肯定今日未俾人通屎眼,所以有啲塞啦~
我:「阿先生,你有冇睇到藥袋上面寫咩呢?一日兩次呀,三日藥係幾多粒呀?」
我拎出計數機當住佢面篤俾佢睇:「一乘二乘三,係六呀。先生你講咁耐就係為咗呢包藥呀?」
佢望望包藥,口都窒埋:「我,我,我係話你啲態度呀!死港女!」
之後佢急急袋好啲藥,急急腳離開診所。睇嚟佢係趕住去俾人通屎眼啦。