最低工資 裁員 打工仔 公司 員工 貿易戰 網民熱話

今時今日$100唔襟使 為慳頹食兩餐 「台灣最低工資都高過香港」|網民熱話

社會熱話

廣告

【最低工資・網民熱話】成日都聽講香港物價貴,但人工就唔見點加⋯⋯愈來愈多同事為慳錢帶飯,慳得一蚊得一蚊!最近討論區有人表示,$100唔再「好用」,因為隨時食餐好少少,都已經用咗!

撰文:麗爾|圖片:電視截圖

 

樓主表示,依家基本上每日消費都要過百。「車費年年加,好似都未見過佢減價過,搭車來回當你$20,食飯坐底平極已經都要$40,個價錢唔包野飲,有啲連飲水都要收費添」。若果你係「無飯家庭」,兩餐都要出去食,都至少要$80,另外樣樣娛樂都要過$50,結果兩日又再去撳錢。物價高到但唔見人工又話高得去邊,令樓主思考到,呢個會唔會係最低工資嘅弊處。

人工加得慢、租金加得快、食材加得快,香港人亦電話費方面下手,電話愈搵愈平plan; 水電又係受控制,係食同住佔太多數。

有打工仔表示自己上班一日嘅洗費係: 早茶35 午餐凍飲52 來回車錢26。有人建議可以喺嗰方面著手,自己煮最可以慳得多。 「屯門返中環$50一日,長期帶飯,勉強用100蚊一日」

網民提到如果要自己帶飯,去凍肉鋪買啲醃咗嘅肉類再分幾餐食+烚菜; 出街食嘅話
,最平m記25蚊餐; 有啲地方仲有15蚊雙併燒味飯,再唔係食ok嘅叮叮飯,交通費/住/家用呢啲又慳唔到幾多,唯有食物方面慳啦。

「到頭來只能夠食差啲嚟慳,香港人做得咁辛苦唔知為乜食都無啖好食」

「大家樂早餐呢二三年,年年加接近10%,又話香港通脹係2.x%」

有人問到同最低工資有乜關係,覺得唔關最低工資事:「係因為從來無一個老細打算賺小d ,乜都賺到你盡」

另外有提出冇最低工資的話,人工更低而物價一樣,地產都係睇住d啲商戶既生意黎食到盡。「冇最低工資窮人飯都食唔起」

「老細要比多d錢出糧,無最低工資 加得無咁快。」

「無最低工資,俾人榨壓嘅只係得最低層嘅人。有左最低工資,老細們將上漲嘅人工轉嫁俾消費者,最低層嘅人叫多左少少人工,但係變左其他人都要變相俾老細們榨壓埋一份
要問罪興師點解唔係X嗰問題來源 i.e. 班揸壓人賺到盡嘅資方,而係搵班一路俾人榨壓嘅受害者開刀,」「台灣最低工資高過香港,物價平香港一半」

亦有人表示物價貴,係因為人工加得少,,物價高又因為地產稅,大家都要額外交稅比地產商,唔應該賴最低工資,應該理解下店鋪運作當中最大成本係咩先。「香港生活真係難 唔計高薪厚職呢啲 普通人要搵被動收入先得」

另外提到,英國大把人做超級市場執貨都係拎最低工資,但係人拎最低工資,同香港拎最低工資,佢地係生活,我地生存都稱唔上。
「人地過廿五歲係係£8.21 per hour,你當x10 即係82 蚊港紙
你再睇下人地物價,超級市場啲嘢同香港接近一樣價錢重要質素好十倍,香港人食緊強國特供咋
再上rightmove 睇下樓價,二百幾萬港紙可以有層三四房大屋連前後花園有埋車房,香港呢筆錢都叫夠買個廁所嘅
再睇下人地NHS 醫cancer 一蚊都唔駛俾,你筆稅已經包埋,香港你係低稅呀,但係連派糖派四千蚊都搞到XX咁」「d人成日話外國做份最低工資既工都生活得好好」