診所職場事 寶豬趣聞 新仔醫生 珍寶豬 經一專欄

診所職場事 【寶豬趣聞】新仔醫生|珍寶豬|經一專欄

職場

廣告

診所職場事・ 經一專欄】有日一位小姐喺診所大吵大鬧~

嘈到醫生都出埋嚟嘗試幫口,但醫生都極速成為炮灰…
佢嘈嘅原因…
『我填份claim form你要收我二百五十蚊?你哋有冇黑心啲呀?』
我:「小姐,我哋填claim form係要錢㗎~」

撰文:珍寶豬|圖片:電視截圖、unsplash

佢:「藥你又收錢,claim form你又收錢,有冇咩係唔駛錢㗎你哋下?你診所嚟㗎?你哋做雞㗎?」
唔好意思,醫生做唔到雞。
醫生嘗試幫口:「呢位小姐你唔可以咁唔尊重我啲姑娘㗎」

佢:「收嗲啦死八公,你潦幾隻英文字簽個名收我成二百五?街邊企街嗰啲都冇你咁貴啦!」
小姐你好熟行情喎,平時幫襯開定做開呀?
醫生係一個斯文人,一俾人話係死八公就受傷笠水了。

我:「小姐你冷靜啲先啦,你有保險㗎嘛?你而家俾咗嘅唔係都可以同保險公司claim返咩?我哋有俾收據你㗎喎~」
佢:「呢啲額外錢我點知claim唔claim得返呀?佢話係睇醫生先可以claim㗎!」
我:「你呢張收據咪就係睇醫生嘅錢囉~嗰二百五已經包埋喺入面啦」
佢在自轉:「咁又點會係睇醫生呀?」
我好頭痛:「你喺診所呢度任何經過醫生診斷嘅,做嘅檢查同填嘅表都係睇醫生,所以你填份claim form都係要睇醫生呀~咁呢個過程就已經睇醫生啦」

佢轉到出火燒壞埋個腦:「份form都冇證明係醫生睇過先填,邊個係醫生呀下?」
醫生又再嘗試搭嗲:「我…我係醫生呀,我有註…冊㗎…」
我望住笠笠豬嘅醫生好想笑。
佢向醫生咆哮:「死八公!你係呀?我claim唔返錢嘅,我返嚟問返你攞呀!」
我:「如果你保險公司正正常常,你又冇出古惑呃保險嘅話,呢啲小case嚟㗎咋,好難會claim唔到,再唔係你打去問吓你個保險經紀啦~」

佢:「經紀?冇撈啦佢!簽完單就走咗啦!咪住,你哋會唔會又係簽完就唔撈㗎?」
醫生:「唔…會呀…」
佢一嘢『啪』一聲放低張五百蚊紙,手指指同醫生講:「你講㗎,有咩事你負責呀」
佢終於肯離開診所。
醫生臨入返房前嘆咗口氣:「唉」
我:「唔好咁啦,慢慢你就慣㗎啦」
唉~