港媽埋單向收銀掟信用卡 教女唔好「讀書唔成」做理貨員|網民熱話

港媽埋單向收銀掟信用卡 教女唔好「讀書唔成」做理貨員|網民熱話

【港媽・網民熱話】職業無分貴賤這個道理,似乎不是每個人都懂。社會總有不少「白鴿眼」,以自己高高在上,不理他人感受出言辱罵。最近有網民投稿至「西客之道Hispitality Secret」Facebook專頁,表示曾經做兼職時受到顧客不尊重對待。

撰文:Evita (新假期)| 圖片:電視截圖、新傳媒圖片庫、西客之道Facebook

港媽埋單向收銀員掟信用卡

早前有網民投稿至Facebook專頁,回憶當年考完公開試後,就做兼職售貨員,而事件發生嘅當日就被派去做收銀位。(樓主並無表示做邊個行業)

 樓主話舖頭位於香港中產區,經常都會有好多家長幫襯,而當日就被一位家長受到不尊重對待。樓主指當日為呢位家長收銀,詢問要唔要膠袋時,家長竟然用「掟」嘅方式,將信用卡「掟」出嚟。

港媽 信用卡 理貨員 網民熱話
【港媽・網民熱話】圖片:電視截圖
港媽 信用卡 理貨員 網民熱話
【港媽・網民熱話】圖片:電視截圖

樓主指當時心諗點解可以喺個女面前咁無禮貌,收完錢後諗住件事都算,點知……

家長:「嗱!阿女,要努力讀書啊,唔係大個就會好似呢個姐姐咁㗎喇!」

不過身為著重「好客之道」嘅香港售貨員,當然只能喺心裡咒罵,樓主心諗:「咁睇唔起sales,就唔好出嚟買嘢」,又話「最慘係個女畀佢灌輸曬啲錯嘅價值觀」。

港媽 信用卡 理貨員 網民熱話
【港媽・網民熱話】圖片:電視截圖

港媽超市內教女唔好做理貨員

其實早在兩個月前都有類似投稿,有做超市理貨員嘅網民指有港媽帶同囡囡行超市,過程中同囡囡嘅對話令網民嬲爆!

網民指有日同同事喺舖頭執貨架時,聽到有細路女問媽媽:「呢兩個姐姐喺到做啲咩啊?」

港媽:「呢兩個就係啲執貨嘅人,要搬搬抬抬好辛苦架!」

網民就話聽到呢到都正常,唔想出聲,點知跟住嘅對話先乞人憎。

妹妹:「點解辛苦嘅?」

港媽:「因為呢兩個人讀書唔成,所以要做埋晒呢咁下賤嘅工種,要喺度執埋晒啲狗屎垃圾,你大個要孝順我啊,唔好似佢地咁啊知唔知?」

港媽 信用卡 理貨員 網民熱話
【港媽・網民熱話】圖片:電視截圖

網民聽到嬲爆,表示做呢份工養得起自己同父母,完全對得住自己,而非港媽口中所講嘅下賤。

於是網民就同同事大聲扮傾偈:「我哋喺度執緊垃圾,咁入嚟嗰啲係咩人呢吓?」

同事:「嗰啲咪就係入嚟揀垃圾囉,我地袋住人工去執啲狗屎垃圾,慘過有啲人仲要畀錢買啊陰功。」

港媽 信用卡 理貨員 網民熱話
【港媽・網民熱話】圖片:電視截圖

港媽聽到呢番說話後,不禁大鬧「你哋呢啲咁嘅人識得啲咩啊?」而同事都忍唔住回應對方係怪獸家長兼玻璃心。

不過港媽都唔執輸,以「抵你成世打呢份工啊!做埋晒呢啲低級工種!」回敬。網民就表示「真係咁高級就唔洗幫襯我地呢啲貧民窟啦!」

事件喺Facebook發布後,得到大批網民鬧爆港媽「唔識尊重人」、「狗眼看人低」,「做緊大學去超市做兼職好正常」等等,亦有人擔心事件中嘅囡囡大個咗會變咗阿媽咁野蠻。