美德可偽裝 修養係內在 細數黎天王十大好人好事 | 黎明 | 生活趣談

美德可偽裝 修養係內在 細數黎天王十大好人好事 | 黎明 | 生活趣談

【黎明.生活趣談】7月1日公布「2019年授勳名單」中,黎天王黎明獲頒「銀紫荊星章」。黎明近年來熱心參與公益事務,而且為人疏財仗義,依家就同大家細數Leon十大好人好事!

撰文:東方新地 | 圖片:新傳媒資料室

黎明獲頒「銀紫荊星章」

52歲的黎明獲頒「銀紫荊星章」,據政府新聞處資料顯示:「黎先生過去25年積極參與香港公益金轄下委員會的工作,傳揚公益金的使命,貢獻甚豐,現獲頒授銀紫荊星章,以作表揚。

黎先生熱心為受惠於公益金資助的服務的弱勢社群發聲,發揮名人效應,在大型籌款活動呼籲善長仁翁慷慨解囊,並探訪社福機構,與受助者會面。」

對於第三度授勳,黎明透過經理人公司簡單回覆傳媒︰「謝謝。」貫徹其低調作風!

黎明 黎天王 授勳 好人好事 生活趣談

黎明 黎天王 授勳 好人好事 生活趣談
黎明早前為《公益金萬眾同心50年》跑畢50層樓梯,成功籌得超過310萬善款。

黎明十大好人好事

早年有指黎明在16年以匿名方式捐錢幫助牛頭角迷你倉大火殉職消防員遺屬,而之前也有報道指一位自稱曾係李嘉欣助手及為黎明工作嘅女士Queenie,指22年前跟黎明到北京工作點知期間突然小產,幸得黎明出錢出力幫手先逃過死門關!

事隔多年對方想向大恩人黎明表達謝意,而黎明續拋金句回應:「害過人嘅嘢一定記得,幫過人嘅嘢唔會記得,但一定冇害過人,所以我唔記得。」

黎天王為人及行事低調,做過嘅好事又點止咁少!黎明堪稱圈中最仗義疏財藝人之一,而且佢曾說:「如果錢解決到問題,就唔係問題!」

Leon果然講得出做得到,所以好人好事又點止咁少,依家為大家逐一細數!

黎明 黎天王 授勳 好人好事 生活趣談

1.堪稱圈中最好老闆

豪包助手婚宴酒席及首期

跟隨黎明身邊廿年的助手,當年係黎明中學同學,助手本身家貧,工作又不如意,適逢黎明入行,聘請他做助手,薪金亦不俗,二人相知相交,到助手大婚,Leon送了份厚禮,就是一張無銀碼的支票!

講明任助手自己填,他早已視助手係兄弟!結果有傳助手唔好意思填,最後Leon包起他婚宴所有使費!咁都未算豪,Leon之後再送錢俾助手置業築愛巢,咁好老闆去邊到搵?

黎明 黎天王 授勳 好人好事 生活趣談

黎明 黎天王 授勳 好人好事 生活趣談

無分彼此,先讓助手上車呢個情境已經見慣!

 

黎明 黎天王 授勳 好人好事 生活趣談

2.七位數醫助手

有位助手跟Leon工作期間,突然患重病,Leon得知後即叫對方放長假休養,更自掏腰包七位數助對方醫病,可見Leon有幾咁仗義疏財,可惜其前助手最終不敵病魔離世。

黎明 黎天王 授勳 好人好事 生活趣談

3.胸襟廣闊EQ超高

從前有一職員K跟隨Leon多年,出名是Leon團隊中的笑柄,撞板多過食飯,有次Leon到電視台錄影慈善節目,要唱改編歌詞的歌,叫阿K舉大字布以防錯漏,點知大字布係有,但成張倒轉咗,任由Leon台上打眼色,阿K都無動於衷,事後黎明不但無鬧爆佢,只係笑笑就算。

另有次Leon胃部唔舒服,叫阿K幫手買「消化餅」(即係胃藥),阿K一去就幾粒鐘,返到嚟帶嘅竟然係「麥維他消化餅」,令人哭笑不得!

雖然唔少高層都睇唔過眼叫Leon炒阿K魷魚,但Leon不但冇炒阿K,反而依然對阿K十分好!

黎明 黎天王 授勳 好人好事 生活趣談

4.仗義疏財六位數幫同事度難關

黎明 黎天王 授勳 好人好事 生活趣談

Leon除了對助手豪氣之外,對公司同事亦十分重情重義,曾有同事因出現經濟困難,Leon即自掏腰包六位數幫對方度過難關。

5.冇架子

熱愛摸酒杯底嘅Leon酒量當然有番咁上下,平時食飯應酬少不免會跟不同人敬酒,Leon從不隊冧人,見同事或朋友唔飲得,仲會主動幫手頂酒,所以唔少同事都極之喜歡同Leon食飯,除了佢全冇老闆架子,仲肯為大家着想呢!

黎明 黎天王 授勳 好人好事 生活趣談

黎明 黎天王 授勳 好人好事 生活趣談

6.愛屋及烏助流浪犬

黎明 黎天王 授勳 好人好事 生活趣談

黎明 黎天王 授勳 好人好事 生活趣談

Leon前妻樂基兒出名係愛動物之人,而Leon亦愛屋及烏,主動向有關機構捐六位數幫助流浪犬,認真闊佬!

7.助乞丐解困

黎明 黎天王 授勳 好人好事 生活趣談黎明 黎天王 授勳 好人好事 生活趣談

Leon無論從前或現在都為唔少慈善機構服務,除咗眾所周知的公益金和Unicef,平時Leon都暗做善事。有次Leon跟助手出街,途中見街邊有一乞丐,Leon頓生惻隱之心,即叫助手有幾多錢俾幾多,之後還番俾助手,乞丐收到後連聲向Leon道謝!

8.出名萬歲王

黎明 黎天王 授勳 好人好事 生活趣談

Leon未紅前,有次出席《勁歌金曲》節目後,拉大隊帶唱片公司同事到當年貴價食堂友和日本料理度開餐,大部分人見到餐牌價錢後個心都離一離,打算叫碗拉麵或小食就算,怎料轉頭侍應送來一枱的天婦羅、刺身和鮑魚等,嚇到個個滴晒汗,最後黎明偷偷將那張近五千元的賬單找數,喺當時嚟講絕對係大數目!

9.蝕賣500萬跑車

黎明 黎天王 授勳 好人好事 生活趣談

Leon熱愛超跑,曾以500萬買入至愛法拉利458 Italia超級跑車,但為了鄰居小朋友,愛車落地兩年後竟割愛蝕讓!

黎明 黎天王 授勳 好人好事 生活趣談

事關每次佢開動戰車時,引擎聲發出嘅隆隆聲都嚇親隔籬屋小女孩,Leon知道後唔單止送果籃道歉,仲割愛蝕賣戰車,真係好有愛心呀!

10.禮物贈清潔嬸嬸

Leon平時收到好多fans禮物,例如花、果籃、糖果或其他食物等,Leon又不想浪費,於是會將這些禮物贈與清潔嬸嬸!

而剛完成嘅4D演唱會中,Leon亦收到好多fans送嘅禮物,為了環保於是又將後台禮物分派俾其他人!

黎明 黎天王 授勳 好人好事 生活趣談

相關文章