舊人薪水低過FG 仲要教佢哋做嘢  網民:有料就跳槽 無料就收聲|網民熱話

舊人薪水低過FG 仲要教佢哋做嘢  網民:有料就跳槽 無料就收聲|網民熱話

【FG ・網民熱話】你會唔會同同事互爆人工?當然如果公司嘅offer係合理嘅,問題應該唔大。但假如新入職仲要係FG嘅人工都高過你,你會點做?近日有網民就遇上呢個問題,人工低過人不特止,仲要教返新人做嘢!

撰文:Smart ED編輯部|圖片:香港討論區、電視截圖、unsplash

樓主表示完全唔明點解舊人低人工過新人,唔通公司想玩分化?佢唔知應唔應該要求加人工。樓主25歲, fresh grad22歲。全公司35歲以下officer 人工比fresh grad低。

FG 薪水 網民 網民熱話
【FG ・網民熱話】圖片: 電視截圖

有網民反問樓主,自己有冇諗過點解工作三年仲係16K。表示如果樓主有料,話要離職的老細會話加人工,如果老細冇打算留你,就應該好好反省下。

「唔知樓主工作能力如何,不過有d公司就係咁,只要啲舊員工唔出聲當無事發生,要到人地話走先加人工。」

唔少人都覺得樓主應該要走,公司唔會可憐佢人工低過FG,公司出得較高人工俾FG,都好明顯係睇樓主唔順眼。

FG 薪水 網民 網民熱話
【FG ・網民熱話】圖片: 電視截圖

樓主應該要搵過份工啦,現時公司擺明恰佢唔敢走,出嚟做嘢都係睇錢,新人高過舊人擺到明係逼你走。如果依一刻樓主仲唔出去搵offer,繼續留低只會等於話俾公司知你冇能力。

「走啦!擺明公司覺得你唔適合呢份工。何必自取其辱?

你問左,唔得。又唔走…… 迫人表明你係垃圾做乜啫?」

「有料就換工,冇料就安安份份做,抱怨係冇用」

FG 薪水 網民 網民熱話
【FG ・網民熱話】圖片: 電視截圖

如果樓主真的覺得咁不爽的話,網民建議佢可以一句大叫:人地17k,沒有資格要教的,佢教番我就差不多

不過亦有網民覺得公司冇做錯。從管理學嘅角度,就算你好做得嘢一頂二或三,都是低過新入職的,就算你因此而走,公司更不會留你,寧願請個二萬幾人工頂你個位。

有唔少公司諗住員工年零兩年都會走,但你唔走,公司賺左。請新人,自然要用市場價。網民提到有統計顯示,每三至四年离開公司轉工加薪會係最好,魚唔過塘唔肥。

有人問到樓主,當有新人墊你底時,升職機會會唔會大咗。

FG 薪水 網民 網民熱話
【FG ・網民熱話】圖片: 電視截圖

另有網民估計會唔會係其他人見工時開價進取,而公司其實個 budget 係許可。但樓主見工時,叫價太低。站喺公司立場, 就會照你個叫價請你。樓主絕對有權同老細爭取,老細亦有權睇你值唔值得加,就係咁簡單。

有人表示先要諗「人哋乜嘢大學你乜嘢大學先」。有相同經驗者表示自己以前份工都係咁,因為學歷比較低。連嗰啲新人都要帶,而且佢地做唔掂的嘢要我幫佢地做埋。

「你有冇大學畢業証書先??????冇就唔好埋怨啦。

好似我個同事做左8年都係搵15k炸,咁咪仲慘?????」

FG 薪水 網民 網民熱話
【FG ・網民熱話】圖片: 電視截圖

過來人表示,老闆不會對舊人加新,等於大婆永遠最辛苦,甜頭最少。請人會提高薪金,因為請唔到人,等同二奶永遠福利最好。魚唔過塘不會肥,是真的。朋友上星期才轉工,多了$5000加雙糧,但當然要睇運。

另人有經驗者表示,好多公司管理層都係行呢套, Assume 人工係 strictly confidential 冇人知, 就相對對舊人唔係咁公平。

請新人係以市場價,又唔代表佢地認為你唔得,但就一定唔係 key staff or potential staff,有良心既, annual review 會加番俾你, 衰既,唔出聲照舊加4-5%俾你就算。

佢提到如果樓主有自信嘅,要走佢地就一定會 adjust 留你,如果你真係連 fresh grad 都不如,就由你走,某程度上公司係需要有自然流失,特別係做幾年都冇太大進步既員工。

 

 

相關文章