想等樓市跌50%然後入貨 網民:到時你份工仲保得住?|網民熱話

想等樓市跌50%然後入貨 網民:到時你份工仲保得住?|網民熱話

【樓市 ・網民熱話】香港樓價癲已經唔係近年嘅事,唔少人都為住屋問題,都會有打算移民。不過亦有人仲抱住希望,想等樓市跌50%,然後可以成功上車。

撰文:Smart ED編輯部|圖片:香港討論區、電視截圖、unsplash

等樓市減5成上車

唔少網民都表示樓主妄想太多,仲未搞清楚樓主會係買先嗰個,定係已經供完樓的業主再買先。另外亦有人提到未過五成,政府已減辣。

好多人都提到跌30%都好夠,不過都有網民同樓主企同一陣線,跌唔夠50%決不會買。有人反問佢哋:「4成就反彈咁點算?」

「我嘅目標係100% 」

「我目標200%, 賣家要貼100%樓價cash加層樓我先會要」

有網民提到跌5成的話,要一次過入2個太古城2房單位。有人回應要搵都搵啲新樓,太古城啲舊樓畀都唔要。不過亦受一部分嘅網民歡迎:「大古城啲舊樓都超過一千萬,比我一定要!」

樓市 入貨 網民 網民熱話
【樓市 ・網民熱話】 圖片: 電視截圖

樓市跌4成已到居屋價

另外有人提出,跌4成已到居屋價,唔使抽即入市。亦都有人發表意見指,有公屋住真係唔怕等。不過唔少人反駁,如果有公屋住嘅就唔洗嘈要買樓。提到就算聽日先入表抽公屋,慢慢排,排到你上樓樓價都未跌5成。

有密切關注樓市嘅網民指,根本就係假反彈,提到最叻果班係啱啱2017年聞到貿易戰味嗰班業主,跟住依家嗰班業主學人反價,逃生門又關咗。

「一有少少情況,啲牛鬼蛇神出晒嚟,真係好好笑,好睇過華為單嘢。下下都等跌,有實力洗X等咩。 」

「香港人講就凶恨,做就⋯⋯樓市升就話好貴好高買唔起,到個市趺又話睇定d……好老實講機會錯過就無

香港樓價返唔到轉頭,只會系咁升嫁咋」

樓市 入貨 網民 網民熱話
【樓市 ・網民熱話】 圖片: 電視截圖

等跌5成根本係恨買樓到傻咗

好多人表示跌一成都大把人追入,仲想跌五成,直頭係諗太多。香港咁細嘅地方 想佢樓跌得多都難。

「老實講

如果跌到兩成

好多人會X衝入貨」

「成也辣招,敗也辣招,跌三成銀行系統都唔會有事。」

樓市 入貨 網民 網民熱話
【樓市 ・網民熱話】 圖片: 電視截圖

「大摩話中美貿易戰若果持續,全世界經濟衰退,利率會跌到零,即係話供樓唔使比利息,不過樓價跌到一蚊一呎。」

另外有人分析,指香港私樓根本會跌到你負擔得起,經濟唔好,連嘢都冇得撈,唔好講買。再講買咗樓如果唔好彩跌咗,其實每次都會升返冇問題。但係如果香港嘅獨特優勢被人拆咗後,就唔同講法。

有人假設個樓市跌,到時大把業主封盤。唔會有人會個市差出貨,啲業主都唔係傻,要出貨,呢兩三個月高位已經出咗貨,貿易戰已經唔係咩新鮮事。

「好似連幫我屋苑倒垃圾個阿姐都話貿易戰好大獲,到時會少咗好多垃圾倒,分分鐘會無垃圾佢倒,咁佢就無得撈」