診所職場事 【寶豬趣聞】小姐心事(上回)|珍寶豬|經一專欄

診所職場事 【寶豬趣聞】小姐心事(上回)|珍寶豬|經一專欄

診所職場事・ 經一專欄】電話響起~

我:「你好乜乜…

我都未講完,一把響亮嘅聲音已經急不及待嗌出嚟:「預約呀!」

撰文:珍寶豬|圖片:電視截圖

我:「小姐唔好意思,我哋診所係唔需要預約嘅,嚟到登記排隊就可以啦」

佢:「我唔排隊呀!同我預約!」

我:「我而家同你登記咗嘅話,嚟到都係要等㗎咋」

佢:「你而家同我預約呀!」

診所職場事, 寶豬趣聞, 小姐心事, 珍寶豬, 醫生, 經一專欄
圖片:電視截圖

我:「我而家同你登記定呀,咁你嚟到講返我知你個名,到時就照排隊等呀」

佢:「我要俾咩資料你呀,快啦,我唔係好得閒㗎咋」

我:「請問小姐之前有冇喺度睇過?如果有嘅就麻煩你提供返覆診卡號碼呀~」

佢:「冇覆診卡呀!身分證呀!XXXXXXX」

診所職場事, 寶豬趣聞, 小姐心事, 珍寶豬, 醫生, 經一專欄
圖片:電視截圖

我:「係~乜小姐係咪?咁我已經拎定你排版出嚟㗎啦,你嚟到診所嗰陣記得去登記處通知返我你已經到咗,咁到時再排隊呀」

嘟。我被CUT線了。真有禮貌啊~

診所職場事, 寶豬趣聞, 小姐心事, 珍寶豬, 醫生, 經一專欄
圖片:電視截圖

隔咗三個鐘左右,有位小姐一入門口已經大嗌:「乜小姐嚟咗啦!」

我望望佢,問佢:「你使唔使探熱呀?」

佢:「唔使呀」

我:「好~我而家同你排隊呀,排第七個,你坐低等等呀」

診所職場事, 寶豬趣聞, 小姐心事, 珍寶豬, 醫生, 經一專欄
圖片:電視截圖

到醫生房入面位病人出嚟後,阿小姐佢企起身行去醫生房門不停推門,當然醫生門係鎖咗啦。

佢就大聲喝我:「喂!開門呀!」

我:「小姐,都未到你,你排第七喎,前面啲人都未睇~你坐返低先啦」

佢:「我頭先預約咗㗎!」

診所職場事, 寶豬趣聞, 小姐心事, 珍寶豬, 醫生, 經一專欄
圖片:電視截圖

我:「你頭先喺電話我咪同你講咗喺電話登記完都係要過到嚟排隊等囉?我哋冇預約㗎嘛!」

佢:「頭先嗰個唔係咁講㗎!」

下回續。

相關文章