A股市場之千奇百趣

A股市場之千奇百趣

【離奇停牌與復牌】

早前A股股災,內地有成千間上市公司停牌自救,仲俾內地網民話係良心企業!但佢哋停牌原因相當有嫌疑,話公司要籌劃重大事項,又會咁橋一齊有重大事項個下先搞笑!

不過佢哋應該估唔到週四、五會有強勢反彈,咁又要費盡心思諗下點樣為「國王的重大事項」而解話!小編精選幾個復牌公告比大家睇下啦!

1. 廣州發展
停牌原因: 籌劃重大收購及其他事項,該事項存在不確定性。
復牌理由: 籌劃收購某公司電力資產,經與相關方溝通,未獲得對方主管部門同意。為此,從保護全體股東利益的角度出發,經審慎考慮,公司決定終止籌劃本次重大收購。
( 某公司?唔知係咪又係「國王的公司」呢!)

2. 海潤光伏
停牌原因: 重大事項存在不確定性。
復牌理由: 經核實後指有關事項只是「日常經營業務的一部分」,毋須停牌。
( 吓!?日常經營業務同重大事項都分唔清?)

3. 紅豆股份
停牌原因: 擬籌劃與深圳清華大學簽訂戰略合作協議、受讓深圳清華大學持有的下屬深圳力合創業投資有限公司部分股權事項。
復牌理由: 上述事項因涉及相關政府審批,實施存在較大不確定性,公司決定停止上述事項。
( 咁大間上市公司點會唔知咩協議需要政府審批啩!)

4. 青島海信電器
停牌原因: 擬發布關於電視產品技術和產業升級的重大信息。
復牌理由: 隻字未提!成篇公告都係介紹佢哋公司既product!
( 真係沒有最荒謬,只有更荒謬!)

【全線上升之迷】

7月9日大約有1,500隻股份停牌,佔總數2,800隻既54%。其中只有2隻面臨除牌既股份下跌,其餘1,300隻股份竟然全線上升!係上升既股份入面,有超過1,200隻股份(約97%)漲停。

原因係內地公安部進駐中證監調查「惡意」沽空,內地仲有消息話如果查明有惡意沽空,會以危害國家金融安全入罪。

乜要坐監咁大件事,相信而家應該冇人會再沽空,大市應該會定返啲!荷槍實彈咁防止沽空,真係少啲霸氣都做唔到!

相關文章