買樓地點近港鐵真係好?社會動盪!樓價仍高企550萬以上 | 1%Anthony | 經一專欄

買樓地點近港鐵真係好?社會動盪!樓價仍高企550萬以上 | 1%Anthony | 經一專欄

【買樓・經一專欄】過往筆者買樓投資,大部份都集中在市區。前輩教落,買樓要睇Location,睇租金回報,市區樓是不二之選,尤其是那些位置極方便的舊樓單幢樓小屋苑。

撰文:1%Anthony | 圖片:新傳媒資料室、unsplash

筆者: 你响沙田第一城住咗幾耐呀?

學員: 住咗十幾年啦!

筆者: 有冇諗過搬出市區?

學員: 咁又冇喎!

筆者: 返工唔遠咩?

學員: 呢度好方便架!

筆者: 點方便呢?

學員: 有架88R直出中環,幾個字就到,勁快呀!

筆者: 所以好方便?

學員: 好多地方都有巴士直到架!

筆者: 到處都有巴士架啦。

買樓 舊樓 投資 租金回報 1%Anthony 經一專欄
圖片:unsplash

學員: 而家又有港鐵呢。

筆者: 但係出市區返工時間都長喎。

學員: 唔使一個鐘頭就返到啦。

筆者: 睇嚟大家對方便嘅理解,好似唔一樣,哈哈!

學員: 咁你覺得點先叫方便呢?

筆者: 幾個港鐵站或者巴士站,出門口半個鐘內返到公司。

學員: 咁你要求又高啲喎。

筆者: 唔高啦,我而家可以行路返工添架!

買樓 舊樓 投資 租金回報 1%Anthony 經一專欄
圖片:unsplash

買樓要考慮地點

然而近年辣招多多,市場被扭曲,細價樓大幅跑贏大市,尤其是新界區的上車盤,有些新界區呎價,甚至比樓齡相若的市區樓更高。所以近年筆者與學員們都不斷進擊新界各區,雖然租金回報冇市區樓咁高,但只要識得搵識得揀,樓價升幅卻往往能夠跑贏,回報甚豐。

買樓 舊樓 投資 租金回報 1%Anthony 經一專欄
前輩教落,買樓要睇Location,睇租金回報,市區樓是不二之選。圖片:新傳媒資料室

今年團隊成功撈底的地區,包括跌市重災區沙田第一城。記得去年高位的時候,入場版284呎、304呎兩房單位,曾經賣到600萬,年初跌市,團隊在450至500萬之間,就已經買到多間,恭喜各位學員!

筆者買開市區樓,以前都冇乜意沙田第一城,今次深入研究,也找來幾位在沙田第一城住了多年的學員引路。經過幾個月的戰鬥,團隊買到不少筍盤,現在那些入場版,普遍成交已經接近600萬了,近日社會動盪,樓價稍見回落,但仍然高企在550萬以上,住在那裡的學員,都覺得很方便。

買樓 舊樓 投資 租金回報 1%Anthony 經一專欄
近日社會動盪,樓價稍見回落,但仍然高企在550萬以上。圖片:新傳媒資料室

買樓要方便的定義

明顯地,大家對方便的理解與體會有分別。對於很多住慣新界區的朋友來說,只要有港鐵到,又或者有特快巴士直接到市區想要到的地方,就是方便。然而對於我們這些從小到大都住在市區的人來說,方便的要求更高。

幾個港鐵站、巴士站,半個小時內返到公司是必須的,最好可以行路返工,還要就近消費購物區,還要有通宵車夜了可以很方便的返家,還要有很多民生街舖,夜了商場關了,還可以到附近小店吃夜宵。

買樓 舊樓 投資 租金回報 1%Anthony 經一專欄
對於我們這些從小到大都住在市區的人來說,方便的要求更高。圖片:新傳媒資料室

租金反映生活配套

租金亦反映了這些生活配套。就以最近同學買入的半新樓為例,其中一個在市區,靠近奧運站,面積只有260呎左右的一房單位,樓價只需要530萬,租金可以高達1.6萬,相反另一位同學入新界西北,港鐵上蓋的半新樓,面積480呎的兩房單位,樓價需要700萬,但租金同樣都是1.6萬,可想而知租金回報相差有多遠。不過由買入到現在,論升值,確實是後者的爆炸力高一些。

相關文章