診所 醫生 護士 電話 珍寶豬 診所職場事 寶豬趣聞 經一專欄

診所職場事 【寶豬趣聞】電話|珍寶豬|經一專欄

職場

廣告

診所職場事. 經一專欄】電話響起~對方係一位女士:「乜乜診所呀?你個死人電話有人聽啦咩?」好大嘅殺氣啊!

撰文:珍寶豬funnyclinic)|圖片:電視截圖、unsplash

打電話嚟診所打到慶晒?

我:「早晨小姐,請問有咩事呢?」
佢:「你哋辦公時間係幾點呀?」
我:「九點半至一點,三點半至八點。」
佢:「你知唔知我打咗幾耐你個死人電話呀!」
我:「小姐,而家啱啱好九點半呀!我哋九點半先開工!」

佢:「你根本一早喺度啦,你係唔聽我電話咋嘛?係咪咁呀?」
我:「小姐打嚟其實係有咩需要呢?不如等我解答咗你打嚟想問嘅問題先呀?」
佢:「我打你個死人電話打到慶晒,都唔記得我原本打嚟問咩啦!」

診所嘅辦公時間⋯⋯

咁收得線啦,BYE。
我:「咁你諗到再打過嚟呀,我哋聽電話時間係九點半至一點,三點半至八點,BYEBYE」
佢:「喂喂喂!你唔好收線呀!」
我:「係~喺度,你諗到想問咩啦?請講呀!」

佢:「唔記得呀!」
咁你Hold住我條線做咩呀?
我:「你諗到再打嚟啦~」
佢:「我唔收線呀!我點都唔收線啦!我同你鬥長命!」

又話唔收線鬥長命嘅?

…你咪唔好收囉,我收就得啦,你hold住條線我都冇損失嘅,仲做少個位…
我:「如果你記唔起你原本係想問咩嘅話,你留住我個人喺度都冇用,我都冇嘢答到你幫到你!」
佢:「留住你?我呸!你唔好睇得自己咁高咁緊要!」
嘟。
佢cut咗我線…
點解佢咁順攤嘅?頭先又話唔收線鬥長命嘅?