買樓係有危先有機!樓市大劈價 想買定等再後悔?|1%Anthony|經一專欄

買樓係有危先有機!樓市大劈價 想買定等再後悔?|1%Anthony|經一專欄

【買樓・經一專欄】買樓係唔少人嘅夢想!之前幾年,樓價愈升愈急,買樓變得困難。但最近受種種因素影響,樓市現劈價潮,唔少人趁機買樓,小妹近日就入飛抽東九龍嘅新樓,仲有奇遇添⋯⋯

撰文:1%Anthony | 圖片:新傳媒資料室

入飛買新樓奇遇

小妹入飛抽東九龍新樓,抽籤當日…

筆者: 抽到幾多號呀?

小妹: 560幾號,有冇機會?

筆者: 冇啦,每個冧巴都有AB,即係1,100幾號啦。

小妹: 咁我聽日使唔使去呀?

筆者: 唔使啦,上次朋友排200內,都要過咗晚飯時間先到佢揀,仲要賣得七七八八,冇乜平嘢揀,到250左右已經賣晒。

小妹: 咁好啦,咁我唔請假啦,唉~~

買樓 新樓 新盤 樓市 樓價 1%Anthony 經一專欄
之前幾年,樓價愈升愈急,買樓變得困難。圖片:新傳媒資料室

成功上車買新樓

開售當日…

啱啱食完晏,已經嗌到300幾,而且仲有唔少選擇…

筆者: 小妹有機喎!

代理: 佢响邊度返工?

筆者: 好近~

代理: 過唔過到嚟揀樓?

筆者; 冇請假,唔走得喎!

代理: 閃一閃過嚟有冇計?

筆者: 可以做授權?

代理: 得呀,簽個名即刻走得!

筆者: 即刻安排…

代理: 咁我Call定律師過嚟!

就係咁…小妹成功上車買樓!

買樓 新樓 新盤 樓市 樓價 1%Anthony 經一專欄
同一個地區,同一個發展商,價錢也差不多,短短幾個月之間,入飛情況大不同!圖片:新傳媒資料室

買樓係有危先有機!

再次證明…有危先有機!點解今次會有咁大分別?如果大家有留意地產新聞應該知道,同一個地區,同一個發展商,價錢也差不多,短短幾個月之間,點解會有咁大改變呢?明明幾個月前,上一個樓盤,幾百個單位收18,000飛,爆到瀉,朋友180幾號都排到天昏地暗,晚飯時間之後先排到去揀樓區,平嘢已經賣得七七八八,另一個朋友250幾號去到已經賣晒!同一個地區,同一個發展商,質素與地點相若,價錢也差不多,點解今次580幾都可以揀到樓,去到過1,000都仲有得揀?而且速度快咗咁多?應該是有好多位中籤者放棄吧,點解呢?

買樓 新樓 新盤 樓市 樓價 1%Anthony 經一專欄
發展商轉戰星期五,果然出席人數大跌,尤其200號之後,嗌號碼嗌得好快!圖片:新傳媒資料室

好簡單,因為市況轉差!首先,星期五開售!以往開售一般是星期六、日,多數買家放假,出席率自然高。然而連續幾個月的社會運動,大家都知到每逢週末週日都會有連場示威,甚至有激烈打鬥,市民在那裡?要麼參與遊行集會,要麼躲在家中不敢出來,連搭港鐵都要擔心人身安全啊,仲點會有心機出街?可因為這個原因,發展商轉戰星期五,果然出席人數大跌,尤其200號之後,估計自己冇乜機會,也不會貿然請假,很多人甩底,現場所見尤其200之後,嗌號碼嗌得好快!

其次,市況動盪不安!社會運動越演越烈,業主都開始捱唔住要劈價了!惠譽剛剛調底香港的評級,國際社會對香港的信心開始動搖,銀行陸陸續續加息,貿易戰又沒有平息跡象,走到市面,冷冷清清,無論外國還是大陸遊客都急劇下跌,種種原因令到個個買家都想睇定啲。所以亦現場亦見到一個現象,上個的樓盤開售,一開始買家以搶大單位為主,然而今次則以搶細單位為主,大約午飯時間,600萬以下的單位就賣晒了,反而大單位就淨番好多,正常的,市況不穩,如果是投資的話,細細哋買間,留番啲錢响身邊。

買樓 新樓 新盤 樓市 樓價 1%Anthony 經一專欄
社會運動越演越烈,業主都開始捱唔住要劈價了!圖片:新傳媒資料室

依家入市買樓驚唔驚?

小妹家人問…擔唔擔心?正正因為大家都擔心,以上種種條件配合之下,先有機會買得到,如果好似早兩三個月,個個熱門新盤稍為平些少就爆晒飛,唔止東九龍,就連荃灣的新盤,折實呎價近2萬,都超額幾十倍,幾時得嚟咁好彩?當然筆者唔可以擔保樓市唔會繼續下行,尤其是新樓盤冇得好似二手樓咁劈價,現在買樓確實有點風險。

不過根據過往的經驗,通常在市靜的時候,都可以買到心水筍盤,就以身邊的親人及學員為例,年初的時候分別買到觀塘及紅磡的新盤,二手筍盤就更加遍佈全港,平100萬都只係普通料,平200萬都唔少!如果唔係市場前景唔明朗,又點會有咁好機會呢?最近劈價潮又來了,又有很多二手單位劈價100萬了,你要把握機會?還是又再後悔?

買樓 新樓 新盤 樓市 樓價 1%Anthony 經一專欄
最近劈價潮又來了,又有很多二手單位劈價100萬了,你要把握機會?還是又再後悔?圖片:新傳媒資料室

相關文章