炒一帶一路概念 全線仆直

社會熱話

廣告

特首梁振英昨日《施政報告》提了42次「一帶一路」,可見如何重視呢個概念。

其實,有留意股市的投資者,應該對「一帶一路」一啲都唔陌生。因為國家主席習近平早於2013年已提出呢個概念,不過市場都仲未咁留意,直至2014年11月習近平在亞太經合組織(APEC)峰會上大力推銷,仲成立高達400億美元的「絲路基金」,市場就一窩峰炒作。

翻帶看,由2014年11月至2015年5月期間,多隻「一帶一路」概念股炒到飛天,最熱炒係鐵路股及鐵路設備,因為憧憬會起條長鐵路駁去歐洲,會增加公司訂單,結果連帶啲原材料如鋁、銅等資源股都炒起埋。海上絲路就利好港口股等,好多相關股份股價閒閒地升一倍,仲有好多人話股份會長升長有,叫人長揸唔放。

結果呢?講咗成年咁耐,依家都已經冇人再提,好多股份已經打回原形,甚至跌凸(見表),當初唔少炒「一帶一路」的股民都慘變「蟹民」。

正所謂,股價行先於現實,依家股價話畀大家聽,投資者都唔多BUY「一帶一路」概念,特首依家先黎話大搞「一帶一路」,係想係股民傷口上灑鹽,定係真係後知後覺,慢人一年去捕捉機遇呢?