月入六萬 無任何學歷要求咁筍?

社會熱話

廣告

踏入6月搵工旺季,又有新一批大專生新力軍準備加入香港的勞動市場。不過,隨著本港專上教育持續擴張,香港大學生「一街都係」,學士畢業生已經不再吃香,今年大學畢業生起薪點約維持10,000至13,000元,如果不甘願只搵13,000元一個月,可以考慮搵另類「筍工」,月薪可以高達59,400元!!邊份工咁筍?

近期小編發現月薪高達59,400元的筍工出沒於大埔區,一家飲食集團公司貼出招聘廣告,以時薪高達330元作招徠,有意聘請「廚房切肉員」(即是「豬肉佬」),更註明五天工作、有彈性上班時間、提供膳食及專人培訓。

計計數,扣除一個鐘飯鐘,日薪都已經有2,970元,一星期都有14,850元,一個月可有59,400元,真是筍到呢…….

不過,小編在勞工處網頁都搵到相關的招聘廣告,原來只是日薪330元,但工作時間就十分穩定,逢星期一至五,上午8時至下午6時,不用輪班工作,亦無需學歷要求。仲包膳食及有年尾賞金,都算OK啦。

事實上,切肉員的工作近年慢慢興起,僱員再培訓局已經在今年5月開辦「豬肉切肉員」及「屠宰員」基礎證書課程。完成課程後首三個月試用期月薪達13,000元,完成試用期後員工可獲月薪達18,000元的兩年合約。課程招生時,已經吸引不少「後生仔囡」去報名。而市場上亦有傳話豬肉佬日薪可以高達1,000元。

如果大家唔介意豬肉味,又練到手起刀落,不需幾年後,已經可以賺夠首期上車,結婚生仔,過優哉悠哉的生活……當然,職業無分貴賤,敬業樂業才是香港人的拼搏精神!

更多筍工文章:
【網民鬧爆︰小學老師月薪14,000 去洗碗好過】
http://www.edigest.hk/Vip/detail?id=2885

【香港另類搵食「工」略 劏豬、餵雞、水手、通渠有前途?】
http://www.edigest.hk/Vip/detail?id=2666

【世界變 地盤保安變筍工】
http://www.edigest.hk/Vip/detail?id=1405