【網民熱話】要阿媽定要份工?

【網民熱話】要阿媽定要份工?

最近不時聽到有人講自殺,歌手吳若希豬籠入水,但被網民鬧而想自殺﹔而今次做茶樓侍應、35元時薪的事主也因為受氣被同事鬧想自殺,但又捨不得媽媽,彷彿將自己推到極致,到底要阿媽定要份工呢?

撰文:肥比

相︰網上截圖

網上討論區有人以「我返左飲食業之後,日日都想自殺」開帖,指自己經母親介紹,在某茶樓做樓面,但愈來愈討厭這份工,因為工作忙碌,由早上10點做到晚上11點,放工後頭痛又腰痛;但時薪只有35元,做不停手又受氣;同事脾氣亦差,做錯、做得慢會被責罵,更試過在客人面前人身攻擊他,更有衝動想打同事。事主覺得自己沒有了健康和自尊,很想自殺,但又捨不得媽媽。

該帖一日已經有200個回覆,有人質疑樓主搵工都要靠媽媽,但大部分網民都鼓勵樓主轉工,認為做酒樓一般都有50元時薪,懷疑樓主被壓價,就算35元時薪都有更多選擇,可以轉工去麥當勞、KFC、大家樂,而且員工較年輕,比較同聲同氣。

亦有人趁機跟事主講人生經,認為他應該控制負面情緒,又用親身經歷勸勉他,將來回望只是小事一則。

有網民更實際提出想聘請事主,盡顯人間有情。

事主將自己迫進死胡同,更要自己在兩難選擇,若果繼續返工就想自殺,何必呢﹖轉工的確最實際。

The user will never see this