月入25,000元     有資格娶日本老婆返屋企

月入25,000元 有資格娶日本老婆返屋企

日本結婚率年年跌,有一項調查發現,過半日本女仔都期望未來老公起碼搵到年薪港幣30萬,既係相當於月薪二萬五。就咁睇個數,對於好多香港人嚟講好似唔係好難啫,但原來七成日本單身男士都做唔到!你哋係度見到啲咩?小編見到嘅係單身港男嘅機會呀!

即係只要你一畢業成功做到銀行嘅見習行政人員,再加上你嘅個人魅力,一畢業就有資格娶個日本老婆返屋企架喇!就算你唔可以一畢業就二萬五,只要努力多幾年都仲有機!係咪好勵志呢!比起部分要求另一半有車有樓仲要專業人士嘅香港女仔,其實日女都好似幾易滿足咁喎。

不過呢度都要幫香港女仔平反吓:日女多數結左婚之後都會做全職家庭主婦,即係話男方要有心理準備係要養佢一世,但香港女仔通常都主張有自己嘅事業,只要大家經濟上有共識,比起日女,港女家庭開支上可以大大減輕你嘅負擔!

出嚟啦!港男們!係時候擴充吓你嘅國際視野喇。

你可能有興趣的文章:

【財金靚女 輪界最多】

http://www.edigest.hk/Vip/detail?id=2962

【三個新興日文漢字 你又識唔識?】

http://www.edigest.hk/Vip/detail?id=3229

相關文章