三大移民天堂 你會點揀?

社會熱話

廣告

香港人又要捱高物價、人工又低,唔好講買樓,好多年青人租都比唔起。生活得咁辛苦,不如移民去第二度。小編搵咗幾個好地方,比大家參考下。

撰文: JOEY JACKIE

瑞士 蘇黎世

圖片來自:telegraph.co.uk

瑞士蘇黎世係目前世界生活物價指數第2高的城市,不過物價同收入係成正比嘅,瑞士人均收入有5,500法郎,差不多港幣44,000,而蘇黎世嘅人均收入更高達6,000法郎,相等於港幣48,000元,比香港AO政務官起薪點起酬點仲要高。

蘇黎世唔只收入高,仲曾被經濟學人智庫選為《最適合居住城市》的第十位。瑞士政府仲有保障中小企業及小市民嘅政策。雖然蘇黎世嘅樓價高,但房租就抵好多。瑞士有合作社房屋,480呎平方米嘅屋,每月只需1000法郎,就算入住位於旺區內的房子,1000呎租金只需2,500瑞士法郎,約20,000港幣,佔一般人收入4成。瑞士政府更有嚴控租金,規定只要租戶續租,業主都唔可以加租,市民可以用同一租金住足咁多年,咁市民就唔洗捱貴租,比人起價。而且規定房東每5年就要油一次牆身,保證你住得舒舒服服。所以瑞士人有超過七成都係租屋住,或者係偏離市區嘅地方買地起棟別墅,只係10幾萬法郎。

另外,瑞士政府有房屋津貼、醫療保險、免費教育,讀到碩士都唔洗錢,可以自己決定一星期返幾多日工,按比例出糧,做到work-life balance,冬天仲可以滑雪,講到呢度,相信已經吸引到唔少讀者蠢蠢欲動,或者好似小編咁,得個「酸」字。

至於移民政策方面,只要你係當地有公司請,就可以係瑞士居留,住滿12年,就可以入籍。另外,55歲以上嘅退休人士、投資50萬以上法郎並創造就業職位嘅投資者,以及將公司搬到瑞士並僱用瑞士員工嘅中小企業家,都可以獲得瑞士長期居留權。最快捷嘅方法,與擁有瑞士國籍嘅人結婚。

除咗已發展嘅大城市,大家有無諗過可以歸隱大自然,過下啲世外桃源嘅生活呢?除咗就嚟發夢都見到嘅瓦努阿圖,仲有一個大平洋小國係歡迎移民架,佢就係斐濟嘞!

斐濟

斐濟天然資源豐富,環境有幾靚相信都唔洗多講。如果你唔係諗住退休,最左右到你移民決定嘅莫過於搵唔搵到工啦。不過唔洗驚,近年斐濟嘅新移民之間有一個相當強大嘅網絡,去開心share斐濟嘅工作資訊,唔憂搵唔到工咁話喎。雖然齋睇人工好似得好少,但其實斐濟生活水平偏低,所以已經足夠一個豐盛嘅生活,只要你唔係堅持餐餐都一定要飲進口可樂嘅話。而工作內容多數係零售餐飲等嘅工作,唔想做呢啲嘅話,仲可以考慮創業。

斐濟實行優惠稅收政策,加上好多國家都畀咗關稅優惠斐濟,所以條件相當有利創業。而且斐濟有好多行業尚未被開發,有人話即係充滿發達嘅機遇呀!

要移民斐濟,基本條件係申請人年滿45歲以上,全家移民嘅話要投資或者存款斐濟達五萬美元,同埋證明有不少於1,500美元嘅年收入,就可以申請永久居留。如果之後想申請斐濟國籍,都唔洗放棄原有國籍架。

台灣

台灣相信好多香港人都去過旅遊,亦有唔少港人喜歡當地嘅文化、生活節奏、美食及台灣美眉。台北、台中及台南,三個地方都各有特色、各有吸引力。

要移民台灣,早年嘅存款移民雖然已經無咗,但都仲有好多方法。年青人可以到台灣升學,畢業後留台工作並連續居留滿5年,且最近1年於台灣平均每月收入超過中央勞工主管機關公告基本工資2倍者,即月入達10,000港元便可申請定居。

另外,港人可利用投資移民,在台灣投資600萬元新台幣,約150萬港元;或者在台灣創業,擁有最少50萬新台幣,約12萬港幣作為營運資金,並申請工作居留。