月入$15,000想上車 5個極速儲夠首期法

理財

廣告

香港地上樓難人人皆知,好多打工仔望住個樓價,都只能夠輕輕「唉」一聲。雖然買樓難係難啲,但係始終都想買到樓,有個安樂窩。其實辦法都唔係冇嘅,不過就要你肯努力儲錢,省啲使啦!以下有5個小方法,可以幫你一步一步實現你嘅上車夢。

 

假設你月入$15,000,想四年內買樓,細細哋買個蝸居,當首期大約係$35萬,你每個月平均就要儲到$7,750。你可能會話,咁咪啫係要儲一半以上先有得?咁咪要慳得好誇張?如果你好驚自己儲唔錢的話,可以參考以下幾個方法,開始你嘅儲蓄計劃。

 

1/  準備錢罌

唔好睇呢個方法咁老套,佢真係可以幫係唔覺唔覺儲落一筆。方法好簡單,你每日返屋企嘅時候,將你全身衫袋褲袋所有嘅錢,都一一入落錢罌。計一計,如果每日有$20進賬,一個月就有$600,一年就有$7,500。雖然唔係一筆大錢,但係就可以幫你唔覺唁覺咁儲錢。

 

2/ 記賬先可以了解啲錢去咗邊

成日話儲錢,但係成日都唔知啲錢去咗邊,根本唔知可以點入手。記賬就係一個最好嘅方法,每日記一次,記落一個月,你就知啲錢去咗邊啦!市面上有好多記賬App都好方便,你可以每用錢都用電話mark低,咁啲錢嘅去向就一目了然啦。

3/ 平平地嘅朋友Gathering一樣開心

而家出去食個high tea,或者飲杯嘢都用你三百幾四百蚊。如果一個星期出去兩日,一個月計埋都已經用咗幾唔多$3,000。如果呢舊錢都可以蓄埋,咁就更perfect池啦!同朋友出街,都係想吹下水,平平地嘅Gathering一樣都可以好開心,例約返屋企坐下、行下山,一樣都可以聯絡感情。

 

4/有bonus 都唔好亂用

難得出bonus,梗係要食餐好,慶祝下啦!好多時打工仔就會一個唔該用晒bonus 嗰筆錢,但係請等等,不如將筆錢儲起佢,或者去做下投資。不過,返工都係辛苦嘅,用少少慰勞下自己都未嘗不可。

5/ 學識投資

如果你已經儲落一筆閒錢,最好就唔好俾佢就咁放喺銀行。不妨可以學下點樣投資股票、基金,等啲錢繼續幫你搵錢,咁就可以穩健咁累積財富,走向上車之路啦!

 

如果唔熟揀股,最簡單係買盈富基金(02800),每月或者每季買指定數目,又有息收,長線可令財富增值。

搵 $15,000 儲 $7,750 不是夢

%e8%9e%a2%e5%b9%95%e5%bf%ab%e7%85%a7-2017-05-11-%e4%b8%8b%e5%8d%884-28-04