澳洲工作假期筍工一覽

澳洲工作假期筍工一覽

近年愈來愈多年輕人去工作假期,一邊旅行之餘又可以搵錢。上次介紹十個國家有關工作假期的最低工資、生活開支及稅收等事項,(詳見:【10個國家最低工資、開支、稅收一次過睇哂】http://www.edigest.hk/Vip/detail?id=2769)今次就認真介紹下有乜筍工。

雖然早前有報道指,澳洲將於7月起取消工作假期免稅額,將會徵收32.5%入息稅。不過當地最低工資有17.29澳元(按5月20日1澳元兌5.62港元的匯率計,即大約97.2港元),差不多是香港最低工資兩倍,山大斬埋有柴,都唔係唔可以考慮既。而且澳洲不設工作假期限額,要申請到相對容易。

咁究竟澳洲有乜筍好好做?

做農夫搵得多

(網上圖片)

澳洲有唔少農場,到收成期需要大量人手幫忙收割。呢類工作當地人嫌辛苦,從而吸引好多工作假期的年輕人,當係體驗生活。

如果想舒服啲可以摘下車厘茄、西梅等輕巧的食物,每小時約20澳元(約112.4港元)。辛苦少少的摘西瓜、斬香蕉葉等,真係有可能周身骨痛,甚至受傷,人工相對高啲,每小時約30澳元(約168.6港元)。

做農夫工時長但搵得多,一日做八小時,一星期五日工作,一個月計大約有4,800澳元(約26,976港元),扣埋稅都有18,000元月入。算唔錯啦。

餐廳侍應多貼士

(網上圖片)

做餐廳服務員有咩好?就係有好多機會同外國人溝通,練英文。而且外國餐廳比香港會俾多啲貼士,有人話賺賺埋埋仲多過底薪。

再加上依家多咗內地人去旅行,唔少餐廳都希望請啲識講普通話的員工,方便同客人溝通!你知啦,強國出名豪爽,分分鐘見你係同鄉俾多啲貼士你(都係諗下好啦)!

如果有相關工作經驗相信唔難搵工,以最低工資每周工作五日計,每日8小時,每個月可以搵大約2,766澳元(約15,545港元),再加埋貼士,真係隨時變中產。

專業代購員

(網上圖片)

係澳洲有唔少天然產品,價格平,但香港冇得賣,做代購就最舒服又搵得多。不過要注意郵費同有咩係唔寄得,廢事得不償失!至於賺到幾多,都係睇下你賣的產品獨特性同客源。以代購作為副業輕輕鬆鬆!

街頭表演要申請

(網上圖片)

外國人好興街頭表演,同旺角大媽質素完全唔同,自問有一身才藝的你,都可以諗諗。不過,在澳洲做街頭藝人要向政府申請,仲有好多規距要跟足,更要定時續牌。

賺到幾多真係睇下有冇人賞識,不過為興趣一定大有收獲,因為街上會有好多同路人一齊交流,返到香港冇機會啦。

申請牌照由12至55澳元不等(約67.4至309.1港元),各地區有唔同時期限制,好似係布里斯本證件有效係三個月。想知道更多詳情,可以去呢度睇睇!

http://www.melbourne.vic.gov.au/arts-and-culture/film-music-busking/

其他筍工

1. 悉尼歌劇廳為世界文化遺產,冇理由唔去既。小編搵到一份係悉尼做「陪狗散步」既工,可以同狗仔玩,都係筍工!

詳情:http://www.seek.com.au/job/30890438?pos=5&type=standard&engineConfig=&userqueryid=198577860701718026&tier=tier1&whereid=16351

2. 黃金海岸,係昆士蘭城市,被譽為滑浪者天堂。呢份「葡萄栽培員」睇落唔錯,去到仲要記得食多啲藍莓!

詳情:

http://www.seek.com.au/job/30842543?pos=3&type=standard&engineConfig=&userqueryid=154108460403863568&tier=no_tier&whereid=1005

搵工網資訊:

1. Seek,唔同工種都有,仲有超過150K既工!(http://www.seek.com.au/

2. Gumtree,特點係分左唔同地區,去到另一區分亦方便搵工。(http://www.gumtree.com.au/

注意事項:

1. 搵工最好去本地搵工網,要有入職正式證明,提防黑工。

2. 如果同僱主有咩紛爭或投訴,可以去https://www.fwc.gov.au/,記得要留返所有證明。

3. 澳洲紫外光好強,一定要做充防曬,尤其是農場工作更加要小心。

4. 澳洲政府係今年7月起會收「背包客稅」,取消工作假期參加者免稅額,並徵收32.5%入息稅。

5. 某啲區份工作都要證書架,好似係餐廳做野可能要申請酒類服務證書。

相關文章