比88蚊即擁金牌 淘寶三招發奧運財

生活消閒

廣告

當大家好專心睇緊奧運嘅時候,淘寶一眾商家已經準備好賺筆大錢啦!食住奧運個勢,佢地相繼推出不同商品,你又聽過幾多樣呢?你有冇諗過,你都可以集齊一套奧運金、銀、銅牌?又或者成為另一個傅園慧?其實一啲唔難,只要有淘寶。小編為大家搵咗一啲2016奧運嘅有趣商品,睇下你地有有興趣!

撰文: 高清

1) 仿巴西奧運會金、銀、銅牌

攞奧運獎牌不是夢!雖然只係「仿」奬牌,但係都好過冇啦。其實,佢地都算好誠實,一早講明賣嘅係「仿」奬牌。價錢相差很遠,大槪由1-208元人民幣不等,其中銷量最高的只售88元人民幣,都唔算太貴。有買家指,「小朋友(很)喜歡,可以增加自豪感。」睇黎家長為增加屋企小朋友嘅自尊感,真係無所不用其極。

2) 2016巴西里約奧運會紀念獎牌獎
奧運會四年先有一次,真係幾值得紀念嘅(好似係)。有專整紀念品嘅公司推出一系列的水晶紀念品,價錢約6元人民幣,算係幾平。買家可以自定水晶牌的大少同埋刻咩字,自由度滿分呀!唔好以為呢啲野冇人買呀,都有100單成功交易架!

3)傅園慧系列產品
傅園慧一句「我已使出洪荒之力!」就即刻喺網上爆紅,大家都好鍾意佢率真嘅性格。咁多人鍾意佢,淘寶即刻出咗好多有關傅園慧嘅產品,例如有與傅園慧同款嘅眼鏡、印有「洪荒之力」嘅手機殼,唔可以唔提嘅,就係印有卡通傅園慧同金句嘅T-shirt。

傅園慧不時都會帶眼鏡見記者,所以帶住眼鏡嘅佢同樣深入民心。有眼鏡店就藉此做招徠,打住同傅園慧同款嘅名號,吸引大家去買。價格算係合理,賣人約150元人民幣,亦有超過400個成交記錄。而T-shirt方面,有廠商推出一系列15款,每款都印有卡通傅園慧嘅經典表惰和金句,都真係幾搞笑。

4)秦凱何姿同款轉運珠手鏈 s925純銀轉運珠手繩 情侶細紅繩手工編織
中國跳水選手秦凱係里約向女子單人三米板亞軍何姿求婚成功,令觀眾好感動。不過感動還感動,淘寶商家繼續保持清醒,把握商機,賣佢地兩個嘅情侶手繩。其實款式非常簡單,就是一粒佢地叫「轉運珠」嘅珠仔,串落條紅色或者黑色嘅繩到,咁樣就要大約人民幣約$30,值唔值得買就見人見智。

5)2016國家隊球衣
今屆中國隊嘅制服由中國老字號,恒源祥贊助。而淘寶亦出現不少國家隊球衣,例如有羽毛球隊、籃球隊和乒乓球隊。球衣的顏色是以紅色為主,價錢由人民幣約$48-$78不等。其中,中國籃球隊球衣的銷量高啲,有大概140個銷量。

奧運商品多都數唔晒,你又買咗咩呢?

延伸閱讀:
【殯儀學徒起薪點20000至30000 百萬年薪不是夢】
http://www.edigest.hk/Vip/detail?id=3995

【內地首家米芝蓮廚藝學校明年開幕 創辦人是90後港美少女】
http://www.edigest.hk/Vip/detail?id=3577

【十家航空公司 免費寄艙行李重量比併】
http://www.edigest.hk/Vip/detail?id=3489

如我有特別需要申請政府津貼,有什麼津貼可以申請?

如是長者/傷殘人士,可以留意長者生活津貼長者咭樂悠咭傷殘津貼申請綜援等等,在住屋方面,可以考慮申請公屋

如果我想外旅/返回內地,有什麼需要留意?

首先,要留意特區護照/回鄉證是否需要續期,以及留意不同貨幣的匯率走勢,包括人民幣兌港幣日元兌港元英鎊兌港元等等。