肉類分割員勁缺人 月薪$20,000冇難度

肉類分割員勁缺人 月薪$20,000冇難度

今時今日的香港,凡事都講究專業,過去一些較不受重視的工種,亦紛紛透過制定專業資格,提升行業地位。

 

例如在街市或超級市場從事肉類零售,亦即俗稱的「豬肉佬」,由於行業面對青黃不接問題,故近年積極提升形象,吸引年輕人入行。

 

本港八大豬牛肉類商會,除了將「豬肉佬」正名為「肉類分割技術員」外,又與僱員再培訓局合作,推出相關培訓課程。課程分別於屠房及肉檔工作,時數共120小時,內容包括豬隻基本認識、肉枱刀具及機械設備、切肉實務技巧以及銷售技巧。課程不單費用全免,且還設有津貼;另設有三個月在職培訓,月薪介乎13,000至14,000元。

 

現時行業人手短缺,據業界資料,本港肉類分割員的恒常空缺多達300個,因此只要考試及格,保證一定可獲聘用,月薪更可升至16,000至20,000元。

 

雖則話「行行出狀元」,不過唔想庸庸碌碌半生,錢又搵得唔多、升職又慢過白金升降機,就要諗清諗楚揀邊個行業喇。而除了肉類分割技術員市場勁缺人外,近年最有前途及錢途,年輕人最有興趣嘅行業就有以下3個。

圖片來源:本刊資料室、Thinkstock

 

1 「行船」

俗稱「行船」嘅海員業,可能聽落好老土,但就係因為近年無咩新血入行,海員行內人手嚴重短缺,而入行門檻低、升職快、加薪幅度大,都係「行船」吸引嘅地方。

 

初入行做學徒人工唔算高低,月薪只得$4,000,不過有政府資助$6,000,加埋每月有$10,000。捱過18個月嘅學徒階段後,如果成功考到「三級合格證書」,就可從學徒升級為三級遠洋輪(甲板部)高級船員,月薪即時跳上3萬至4萬元,大增三至四倍。繼續於海上工作滿1年後,可再考「二級合格證書」,成為「大副」,即二級遠洋輪(甲板部)高級船員,人工即時加一倍,月薪升至6萬至7萬元。

 

當二級高級船員有多2年的海上航行的時間,通過考試後便可正式成為船長,月薪可高達10萬元 (相關文章:行船升職加薪快 最快4年半 人工1萬變10萬)。

 

因為缺人,基本上只要考試合格,便可以升職加人工,最快4年半升做船長,人工1萬變10萬,呢個升職階梯及加酬幅度,應該無其他行業比得上。

 

不過呢份人工唔係咁易賺,做學徒要做搬運鐵鏈等粗重工作,而且要長時間留喺船上、離鄉背井,真係要做好心理準備會遇上各種風浪。

 

11111111111111111

 

2 護士

因為人口老化,香港對「白衣天使」嘅需求愈來愈大,修讀護理行業嘅學生係不愁沒有出路,因為市場一直缺人。而且起酬點高,吸引唔少人想投身護士行業。

 

註冊護士人工高,單單係公立醫院嘅起酬點超過2.8萬元,私家醫院好似明德醫院嘅新入職註冊護士,月薪更高達3萬元。

 

想成為註冊護士有好多條路可以行,可以修讀5年制嘅學士課程,香港大學、香港中文大學、香港理工大學、香港公開大學、明愛專上學院、東華學院都有開辦;2年制嘅高級文憑課程,香港大學附屬學院、香港公開大學都有開辦;亦可以幫讀醫院管理局護士學校三年制註冊護士高級文憑課程,明愛醫院、屯門醫院及伊利沙伯醫院有開辦。

 

不過升職就唔係咁簡單,除咗要有一定資歷,仲要增值自己,例如修讀相關碩士學位,先有機會升職做護士長,而公立醫院護士長人工更係4.5萬元以上。

 

Portrait of young nurse

 

3 建造業

香港將來好多大型基建工程,2022年更係高峰,但建造業青黃不接,人手問題一直需要解決方法,所以建造業議會同職業訓練局(VTC)合作開辦相關課培訓人才,課程免學費之餘,每個月仲有最高$3,150津貼,建造業議會仲會盡量幫畢業學員搵埋工,完全不愁出路。

 

VTC開辦2年制課程有土木工程監工文憑、工料量度文憑、屋宇建造監工文憑、屋宇裝備監工文憑;1年制課程有基本工藝課程及建造文憑課程。

 

根據建造業總工公布2016/17年度各項工種嘅日薪,最低由做天花間隔嘅$1,000,至最高模板及混凝土工種每日人工$2,500不等,人工仲會跟隨年資增長,以及部分建造業有雙倍加班費,月酬最少由2萬元起。而根據公務員薪級表,二級監工起酬點係$20,060。