連鎖店折扣優惠日曆

連鎖店折扣優惠日曆

物價不斷加,但人工又無得工,惟有慳得一蚊得一蚊。其實坊間不少連鎖店鋪都有提供指定日子折扣優惠,只要申請相關的信用卡或成為會員,就可以享有優惠。而大部分信用卡或做會員都是免年費或入會費,即是零成本就可享折扣。另外還可儲積分當現金洗,慳上加慳。

小編統計了以下九家連鎖店的折扣優惠,雖然間間唔同,但如果閣下唔怕煩,一次過申請齊所有的會員卡及相關信用卡,就幾乎有半個月都可享折扣優惠。有著數,唔係唔要嘛?

萬寧

會員憑Mann Card日每月10號購物有95折。另消費滿5元可獲1分,如買指定產品仲會額外加積分,儲滿1,000分可換20元現金券。

成為會員方法:只需購物一次,買乜都得

屈臣氏

會員日每月10號有95折優惠。另外每消費5元,即可獲1積分,儲滿50分可當1元使用。

成為會員方法:免費,填表即可

華潤萬家

會員憑萬分咭於每月2,12,22號,購物滿50元,即獲95折。另每消費港幣2元可獲1積分,累積滿2,500分可獲20元現金券,8,000分則可獲200元現金券。

成為會員方法:免費,填表即可

759阿信屋

阿信屋一向有推出折扣優惠,但原來逢農曆初一、十五,在網上www.759online.com購買50元或100元現金券,可以有九折。而使用現金券時,亦可同時享有當日分店的折扣優惠,變上「折上折」。不過現金券每次要買一套,一套有10張,如果成日去阿信屋買野,相信都好快用哂,唔怕買。

Aeon

每月2號及20號定為「感謝日」,各AEON MEMBER CARD及AEON信用卡會員可於全線店舖享有95折購物優惠。

成為會員方法:年費20元

AEON信用卡:免年費 

百佳

憑COMPASS VISA於每月2、12和22日,購物滿100元可享92折,此優惠本來至去年底已終止,但之後就添食,優惠延長至4月22日,唔知4月過後會唔會再延長呢?

另外,利用易賞錢,每消費5元可獲1積分,累積滿500分可換10元現金券。

COMPASS VISA:首年免年費

惠康

用恒生enJoy卡於每月3、13及23日購物,可獲95折,買完仲可以用八達通日日賞儲積分,每200元可儲1分,而1分則當1元洗。