辦公室相對論

辦公室相對論?老闆要求愈高 員工對自己要求就愈低

職場

廣告

【辦公室相對論】有日,一個我喺公司最敬重嘅前輩,同我講咗一段感人肺腑,極度勵志嘅說話。

「藍橙,你入咗嚟公司幾耐?」

「幾年…」

「雖然日子唔算長,但喺我眼中,你已經唔係一張白紙。」
撰文:藍橘子 | 圖片:網上圖片

【辦公室相對論】前輩:你係一張廢紙!

當時我心諗,係咪讚緊我想加人工呢?點知,前輩再同我講…

「喺我眼中,你係一張廢紙。」

劉青雲講過:「做人無公關?食屎嫁嘛。」

出嚟社會工作,學識嘅就係唔好做自己、最緊要隨波逐流、畀少啲意見、發少啲疑問…

慢慢會被呢個社會磨得平平滑滑,心入面嗰團火?一早就熄咗啦。

【辦公室相對論】公司出糧畀你,你就係一隻狗

我同自己講…藍橙啊藍橙,公司出糧畀你,你就係一隻狗,千祈唔好反抗啊,

如果唔係連份工都無啊~

每晚屋企人都會不停問我幾點收工返黎飲湯。

我心諗…都想知我幾時先收得工啊啊啊啊!

【辦公室相對論】做嘢搵到錢但無晒時間

而家成日都會懷念返嗰幾年大學生涯,雖然我又頹又廢又窮,但起碼想做乜就做乜。

畢業出到嚟做嘢,無錯係搵到錢,不過就無晒時間,想做乜都唔得。

正如而家返工好多潛規則一樣,大學都有好多獨特文化。

以前喺Hall三唔識七,一齊喺Pantry食個宵夜已經係朋友。

【辦公室相對論】同事表面出生入死,實際會背後插你一刀

而家同事表面上就出生入死,實際上總會喺背後插你一刀!好似玩《刺客教條》咁…

望返以前第一次著老西嘅相,以為自己好型。

而家日日著老西返工,我又懷念返喺Hall短褲拖鞋四圍走…

由第一次到第N次走堂,已經走到麻木晒。

而家?病到死死吓,都唔敢同老闆請半日假。

【辦公室相對論】你覺得自己有咩缺點?

第一次見工嗰種緊張既心情,係一世都唔會忘記。你永遠理解唔到,點解見工

要用多國語言去介紹自己,仲有一堆連愛因斯坦都無法解釋嘅題目。

「你覺得自己有咩缺點?」

「懶…」

「咁公司點解要請個懶人?」(心底:DLLM咁你又問…)

【辦公室相對論】點解公司要請張白紙?

「點解你想返呢份工?」

「因為覺得好有挑戰性。」(心底:我只係想要錢咋)

「如果做耐咗,無挑戰性你係咪辭職?」

「……」

「點解公司要請張白紙呢?」

「但招聘廣告話無須工作經驗我先嚟見工咋喎…」(心底:你咁嘅人工,請鬼到有經驗嘅人咩?)

【辦公室相對論】老闆對我嘅要求愈高…

我本來以為工作,係用嚟實現夢想…

點知工作只係令我同夢想嘅距離愈來愈來遠。

老闆對我嘅要求愈高,我對自己要求就愈低,有份工,有糧出已經心滿意足…

作者為80後網絡作家,憑【我是技安,我出席了大雄的葬禮】網絡創作爆紅。
facebook專頁:https://www.facebook.com/BlueGodZi/

體驗1分鐘貸款批核 隨時提款話咁易

平遊東京不是夢!最平住宿喺晒呢到

去大阪想搵住宿?識睇一定睇呢到!

去首爾掃貨住邊好?入嚟幫你格價搵至抵住酒店!

短trip遊台北叉叉電,即訂平、靚、正住宿出發!

去旅遊想搵住宿?識睇一定睇呢到!

延伸閱讀:

想知上司或老闆工作能力 睇佢有冇「開會癖好」就知