碌卡食飯儲里數  邊張信用卡最快換到機票?

碌卡食飯儲里數 邊張信用卡最快換到機票?

雖然依家廉航當道,千幾蚊已經可以去日本,台灣機票仲係幾百蚊。不過依家經濟唔好,所謂慳得一蚊得一蚊,如果可以出街食飯碌卡換張機票,咁旅行成本平咗,去玩都玩得開心啲。

咁究竟邊張信用卡儲里數最抵?小編搵來全城儲里數最抵的三張信用卡作比較,一齊睇睇邊張贏。

值得一提,渣打的4元優惠僅用於食肆、網上及海外簽賬,其他一般簽帳則要6元一里。今次題目是食飯簽帳,所以用4元換里數絕無問題。

另外,DBS如果透過網上申請,於7日內交齊所有證明文件,就可以額外獲得520里數,渣打透過網上申請,兼於7日內交齊所有證明文件,亦可額外獲得2,000里數。

就咁睇,渣打已經贏幾條街。如果真係去食肆實戰,又會點呢?

其實在亞洲萬里通有不少伙伴餐廳,只要消費滿300元,每消費2元便可換1里,再碌埋卡的話,就可以賺雙重。可以加快換機票速度。所以今次便在這些食肆中,推介一些容易達標的餐廳給大家。

想快換機票,最緊要簽帳大,去貴價餐廳會肉赤,但一大班朋友一齊去吃飯,每人幾百蚊,夾埋都可以有幾千蚊簽帳額。而亞洲萬里通伙伴餐廳中,適合一大班朋友去的就有以下兩間。

canton pot 齊齊烚下烚下

打工仔有時都要同friend出去食下飯,聚一聚,一大班人最好就梗係去打邊爐啦!小編認為打邊爐最緊要係有靚湯底同靚料,canton pot有好滋補的花膠燉響螺湯,仲有本地新鮮牛頸脊同日本宮崎A5和牛,邊有得輸呀!埋單平均每人500蚊左右。

地址:九龍旺角廣東道1131-1135號薈賢居2樓

預算︰5,000元(10位)

餐廳賺得里數:2,500里

信用卡賺得里數:

東亞︰3,333里

DBS︰3,500里**

渣打︰10,000里

**DBS由於MAX只得4,000元簽賬,所以迎新優惠最多只可得3,333里,餘下1,000元要以6元1里兌換,即約167里。

飲茶 Yum Cha

除咗打邊爐,一班人最好就係去飲茶。呢間位於中環的食肆,走潮流風格。有近期好hit的卡通流心包,如果覺得唔夠特別,仲有一個「鴿吞鳳梨」,係一隻雀仔型的鳳梨酥,仲要用雀籠裝住,超級可愛,又係可以呃like既點心!

價錢方面,平均一樣點心50至70元,加上飲茶可以一大班人除開,計埋茶錢平均每人大約150元,係中環唔算貴啦!

地址:中環干諾道中88號南豐大廈2樓1-2號舖

預算︰1500元(10位)

餐廳賺得里數:750里

東亞︰1000里數

DBS︰250里數

渣打︰3,000里數

**由於DBS第一餐已碌爆4,000元迎新優惠限額,所以只能以6元1里計算。

呢個時候,小編發現如果用渣打亞洲萬里通萬事達卡,碌上面兩餐,就已經有13,000里,加埋網上登記送的2,000里,再加餐廳賺得的3,250里,已經有18,250里,足夠換一張國泰來回台灣機票。

至於東亞Flyer World就得4,333里,加埋伙伴餐廳賺得的里數,合共可以有7,583里。

而DBS Black Card雖然迎新優惠較東亞抵,但因為優惠的簽賬限額少,所以賺得里數不及東亞多,只得3,750里,再加伙伴餐廳里數,也只是得7,000里數,不過如果經DBS網上申請,就可以獲額外520里,計及都有7,520里,與東亞相約。不過要換到台灣機票,仍然需要儲多一段時間里數。

小編點評﹕

1. 東亞迎新優惠最唔吸引,而且要將出糧戶口轉至東亞或是在東亞做按揭,先可以每4元換取1里數;如果唔係就要用5元換取1里數。加上年薪要求相對較高,要月入25,000以上先合符資格,唔係人人都夠資格申請。

2. DBS既迎新優惠都還可以,但上限得4,000元就比較低,加上其後本地消費要每6元先有1里數,變相換里數成本會高。只係年薪要求較低,月入20,000元就可以申請。

3. 渣打卡無論係迎新優惠,還是其後簽帳額換取里數條件,都係最抵,而且年薪要求又唔高,係小編既首選。不過優惠期到6月底,要申請就要快。

The user will never see this