善用迎新優惠兼伙伴餐廳  輕鬆賺取20,000里

善用迎新優惠兼伙伴餐廳 輕鬆賺取20,000里

渣打亞洲萬里通萬事達卡推出後,成為全城至抵的換飛行里數信用卡。官方話迎新優惠賺到盡可以有17,000里,即係可以換到張台灣機票。但其實只要擅用埋亞洲萬里通的伙伴餐廳優惠,約大班朋友食兩餐飯,20,000里數隨手可得,輕鬆換到一張來回曼谷甚至日本沖繩的機票。

詳情係點計呢?首先就要了解渣打的迎新優惠。凡成功申請渣打亞洲萬里通萬事達卡,迎新期的首2個月,首7,500元消費都有簽1元送2里數的優惠;若你簽滿7,500元,即可以得到15,000里數。如透過網上申請,更送多2,000里,換言之17,000里已在手。

咁點先可以賺多過17,000里呢?方法就係幫襯亞洲萬里通的伙伴餐廳。目前與亞洲萬里通合作的香港餐廳多達210間,只要消費滿300元,每消費2元便可換1里,再碌埋卡的話,就可以賺雙重。可以加快換機票速度。

想快換機票,最緊要簽帳大,去貴價餐廳會肉赤,但一大班朋友一齊去吃飯,每人幾百蚊,夾埋都可以有幾千蚊簽帳額。而亞洲萬里通伙伴餐廳中,適合一大班朋友去的就有以下兩間。

canton pot 齊齊烚下烚下

打工仔有時都要同friend出去食下飯,聚一聚,一大班人最好就梗係去打邊爐啦!小編認為打邊爐最緊要係有靚湯底同靚料,canton pot有好滋補的花膠燉響螺湯,仲有本地新鮮牛頸脊同日本宮崎A5和牛,邊有得輸呀!埋單平均每人450蚊左右。

地址:九龍旺角廣東道1131-1135號薈賢居2樓

預算︰5,500元(12位)

餐廳賺得里數:2,750里數

信用卡賺得里數︰5,500 / 0.5 = 11,000里數

合共可賺13,750里數

飲茶 Yum Cha

除咗打邊爐,一班人最好就係去飲茶。呢間位於中環的食肆,走潮流風格。有近期好hit的卡通流心包,如果覺得唔夠特別,仲有一個「鴿吞鳳梨」,係一隻雀仔型的鳳梨酥,仲要用雀籠裝住,超級可愛,又係可以呃like既點心!

價錢方面,平均一樣點心50至70元,加上飲茶可以一大班人除開,計埋茶錢平均每人大約160元,係中環唔算貴啦!

地址:中環干諾道中88號南豐大廈2樓1-2號舖

預算︰2,000元(12位)

餐廳賺得里數:1,000里數

信用卡賺得里數︰2,000 / 0.5 = 4,000里數

合共可賺5,000里數

上述兩餐加起來已賺得18,750里數,再加網上申請的2,000里數,便已簽得20,750里數。即係話,食兩餐好嘅,就可輕輕鬆鬆去一轉曼谷或者沖繩啦!

提提你,這張渣打信用卡每個月都會自動幫你把你賺到的里數存入亞洲萬里通戶口,不用額外兌換手續費!不過優惠期只係到6月尾,要申請就要快啦!

其實唔一定用渣打呢張信用卡,用其他信用卡如東亞Flyer World萬事達卡或DBS的Black Card,兩張卡的迎新優惠都分別低至1.5元及1.2元換取1里數,同樣可以到亞洲萬里通伙伴餐廳的賺取雙重里數優惠,但當然冇渣打咁抵,即是要食多幾餐先可以換到機票。不過推廣優惠期就到8月底。

相關文章