小護士心聲 急救房係一個同死神搏鬥嘅地方

小護士心聲 急救房係一個同死神搏鬥嘅地方

R房(急救房)係一個同死神搏鬥嘅地方。

 

好多時,我哋都係輸嗰一方。

 

因為他總係有辦法響我哋手上面搶走生命。

 

每次輸咗,他總響背後嘰笑我哋為何如此奮力。

 

文章授權:小咩的醫院生活日誌

 

但有啲時候,我哋都會響佢指縫之間拉返幾個生命返嚟。嗰股生氣,嗰種生命力,的確令人好振奮!

 

不過,有時都會令人哭笑不得⋯⋯

唉……

 

孕婦嚟睇疑似腸胃炎,肚痛肚瀉。

點知我行埋去,見佢跪響張床度大叫:「呀~呀~我唔知係瀨尿定穿水!」

 

我⋯⋯唉!當然係穿水啦!

於是晨早流流推入R房生仔。

 

跟住個女人先講:

「其實凌晨五點幾開始肚痛,一陣陣嘅!呀~」

 

你⋯⋯其實都生咗幾個,你都唔知幾時係陣痛?算!我當你唔記得⋯⋯

 

入咗R房,大家七手八腳咁攞用品儀器嘅時候,個女人起身:「我口好乾,俾水我飲!」

 

我話佢知佢情況危急,唔會俾水佢飲住。

 

跟住說時遲那時快,個仔順利出咗嚟,而且仲大大聲喊,我哋成班同事都鬆一口氣嘅時候,個女人又起身:

「我想問個仔係自己喊定你打佢先喊?」

「你叫我老公俾壺煲好咗嘅嘢我飲!」

 

唉⋯⋯其實,一個生產過程,係好危險嘅。並唔係生咗個仔出嚟,佢曉喊就收工,仲有排出及檢查胎盤,檢查新生兒,或者要急救(即係救仔),孕婦出血量及產道撕裂嘅情況。可唔可以俾我哋救完你同你個仔,你先慢慢叫你老公俾嘢你飲呢?

 

 

延伸閱讀:醫生病人妙問妙答 「有無藥物敏感?」「春藥」

「點解我成日都胃痛?」後生仔問。

 

「其實胃痛有好多成因嘅,例如幽門螺旋菌⋯」醫生解釋。

 

「咁幽門螺旋菌係咩嚟?」後生仔又問。

 

「係一啲菌住響幽門嗰度架,要做胃鏡先可以檢查清楚喎!」醫生又解釋道。

 

文章授權:小咩的醫院生活日誌

 

說時遲 那時快,個後生仔即刻訓咗上張床度,我個醫生就問佢:「你做咩呀?」

 

「你話做胃鏡嘛!」個後生仔又話。

 

「唔係依家做胃鏡,要約期架!」醫生無奈答。

 

「咁閂咗個幽門咪無問題囉!」個後生仔又講。

 

「度門無手柄,閂唔到架!」醫生答佢。

 

當護士問個病人:「有無藥物敏感?」

 

而佢咁答:「春藥!」

 

你想我哋俾咩反應呢?

有個師奶帶住兩個小朋友嚟睇醫生,真係好唔經大腦咁問:「係呢,我個仔「特」矮咗呀!點算?」

 

醫生充滿疑惑問:「「特」?!」

 

個師奶用手比劃,應該係指度高!

跟住話:「佢上個月「特」高有140cm, 今個月度得139.5cm! 佢係咪有問題?」

 

醫生又好無奈咁答:「咁係咪同一個地方度?」

 

師奶又答:「唔係呀!一次響學校,一次響商場!」

 

醫生又答:「咁應該係唔準!」

 

師奶鍥而不捨又追問:「唔係呢,你睇吓佢係咪有問題啦!」

 

醫生無奈問小朋友:「你條褲會唔會愈著愈長?」

 

小朋友醒目答:「唔會呀!佢好快就短到著唔到要買過!」

 

到呢刻,個師奶先至肯唔再逼迫醫生,繼續睇佢覺得個仔矮嘅問題⋯⋯

相關文章