OT難SAY NO 不與上司做朋友的4大原因 | 老細 | 職場制勝

撰文：Smart ED編輯部｜圖片：unsplash

同上司做朋友4大壞處，你一定要知:

OT難SAY NO

試想像一下上司用朋友口吻喺你收工嗰陣同你講：「喂，兄弟拍硬檔，留夜少少幫幫手。」成件事嘅角度由幫公司變成幫朋友，內心善良嘅你咪更加難拒絕OT。

與同事關係差

返工對同事仲多過對屋企人，同同事關係唔好做嘢簡直喺生不如死。

當你同上司Friend過打band，同事難免會開始疏遠排斥你，無他嘅，大家都驚你篤自己背脊，眼紅嘅更加會話你係「擦鞋仔」，咁嘅辦公室生活你又頂唔頂得順？

相關文章：唔會搵命博 誓死唔OT 5個一定不能加班的理由

伴君如伴虎

朋友我當你一世朋友！無錯係當，無人話過真喺會一世，當你同上司以朋友角度出發討論公事，一旦發生矛盾，難保佢會即刻擺個上司款出嚟命令你做。

再者做得朋友交流自然多咗，一但得罪咗佢絕交收場，你都可以打定辭職信。

得唔到認同

雖然事實上真係會有「擦鞋仔」只求上位升職加人工！

但一心只係同老細做普通朋友嘅你即使被升職，都唔會得到其他同事信服，最後人工可能加咗少少，但辦工生活就更難捱，一啲都唔值得！