唔想同事之間無限Dead Air 5個溝通技巧一定要識|職場制勝

唔想同事之間無限Dead Air 5個溝通技巧一定要識|職場制勝

職場制勝】科技發達大家都習慣咗用手機溝通,有時返工放工碰到同事都唔知講咩好。講極都係嗰句,「今日天氣幾好喎!」你唔悶,我都聽到唔想再聽。除咗講呢句同繼續無限Dead Air之外,以下有五大方法幫你化解嗰幾分鐘嘅Dead Air時間。

撰文:高清 | 圖片:unsplash、電視截圖

Look 下 Facebook 幫到你

好多時候look完facebook之後就唔記得自己睇過啲咩,不過想避免Dead Air,就點都記住一兩件新聞或者熱話。

因為作為社會一員,點都會對社會嘅事有少少興趣嘅。

最好就記住一兩個社會大事,例如政府又出咗咩「垃圾」政策,大家一齊鬧下;

另外記多個花邊新聞,八掛新聞都係一個唔錯嘅開場白。

但係都要留意返你分享嘅新聞嘅對象,開咗聲人地又接唔落去就真係無謂。

手機 溝通 溝通技巧 打工仔 上位 天氣 Dead Air時間
圖片:unsplash

講飲講食

多啲留意身邊發生的事情,例如公司附近開左新餐廳、邊到有平嘅零食買。

呢兩個話題仲可以無限伸延,講下鐘意食咩餐,有咩特別好食。

講完有咩好食,仲可以講埋有咩「伏」餐廳,食過啲咩難食嘅食物。

返工咁辛苦,都要搵食飯啫,講飲講食一定輕鬆冇Dead Air。

手機 溝通 溝通技巧 打工仔 上位 天氣 Dead Air時間
圖片:unsplash

做個有心肝好同事

平時多啲留意人地講過嘅說話,記住同事一啲基本資料,例如佢嘅興趣、住邊區等等,咁就可以投其所好,簡單打破Dead Air。

例如「你好似住好遠喎?搭車會唔會好麻煩?」,你問一句,之後答你一大輪。

你又可以講下自己,咁仲點會有Dead Air 呢?

另外,仲可以觀察對方,問一啲為對方度身嘅問題。

例如「你對鞋好靚喎,喺邊到買架?」,咁就可以等對方答你。

手機 溝通 溝通技巧 打工仔 上位 天氣 Dead Air時間
圖片:unsplash

講笑話

袋定幾個高質嘅笑話,因為「笑」永遠都係消除 Dead Air嘅最好方法。

一個笑話應該可以俾你笑足分鐘,喺適當時候真係可以「救命」。

當然,你要之前做定功課,唔好隨口講啲爛Gag,「從前有三隻蝦,哈哈哈」呢啲就好唔講啦。

至於,點先叫高質,就要睇下你班同事係唔係一班笑點高嘅人啦!

手機 溝通 溝通技巧 打工仔 上位 天氣 Dead Air時間
圖片:電視截圖

冷知識講故仔

記住一啲冷知識,例如「小丑同畏高症是兩種大家最常見的恐懼。」、「迴轉壽司嘅由來」,等自己可以講下故仔,唔洗完全Dead Air。

開始咗個話題,同事之間大家交流下,對方又會覺得放鬆,更加願意同你傾偈。

好多時都要執生架啦,平日留意多啲身邊嘅野,主動打開話題。

其實,Dead Air 都唔係好可怕啫。

 

職場制勝 手機 溝通 溝通技巧 打工仔 上位 天氣 Dead Air時間
圖片:unsplash
職場制勝 手機 溝通 溝通技巧 打工仔 上位 天氣 Dead Air時間
圖片:unsplash

相關文章