上車筍盤還有甚麼選擇?

樓市

廣告

Anthony sir:

你好,今次真係要幫幫我,我同女朋友明年結婚,一直都有儲錢買樓計劃。

年初睇問下的文章,話要把握機會執平貨,原本都想買,點知阿叔話嚟緊仲會加息,仲會跌,叫我唔好傻,於是就冇聽你講,而家真係好後悔!

最近去睇樓,睇咗幾個沙田區的屋苑,不足300平方呎的上車盤,呎價10,000至15,000元幾乎破去年高位,依家真係唔知點算?

我哋屋企人分別在黃大仙及青衣,一個在九龍灣、一個在葵涌返工,唔想住得太遠。

未來老婆成日話,沙田賣得咁貴,市區肯定仲貴啦,但之前睇過你文章,話市區樓唔一定貴過新界,油尖旺仲平過沙田,依家仲有無筍盤呢?

讀者陳先生

文:1% Anthony無可否認的是,最佳的時機已經過去!如果這一刻仍然想買到年初的樓價,實在有點不切實際。經常有人說,經常有週期,錯過了一次週期,就等下一次。

問題是要等多久呢?可能是兩年、四年、六年,甚至十年以上,到時莫說結婚,孩子都上小學了。

如果要租樓住,每年要白白付出十多萬元,到時候都隨時付出過百萬元,就算真的買平幾十萬元,有著數嗎?

現今社會,個個國家的取態,都是不想有週期,經濟差少少,就說要「印銀紙」,要救市,等到何年何月?人生最寶貴的是時間。

買貴少少,賺了時間,值得!但都要精明選擇。今次樓價反彈之急,筆者亦意想不到。讀者睇樓的地區,當中一些熱門的上車屋苑,例如沙田第一城、河畔花園等,幾乎已完全收復失地,重返去年高位。

最近朋友在粉嶺牽晴間單位,都反價成功賣貴20萬元,升勢凌厲。以現時市場上強大的購買力,筆者不敢說不會破頂,再創新高,但這個價位追入,成本、風險顯然較高。

現時整體樓價指數較高位約跌6%至7%,可以從這個方向尋寶。油尖旺區是筆者投資兵團其中一個重點持貨地區。區內以單幢樓、小屋苑為主,樓齡逾20至30多年,可以借到高成數按揭的選擇很多。

舊區單幢樓成交少,比較慢熱,現時區內很多放盤的價錢,比去年高位仍然低近10%。例如一個不足300平方呎的兩房細單位,沙田第一城已經賣到410萬元,樓齡、面積相若的兩房單位,在油麻地、旺角,約360萬至370萬元有交易,淡季時市值租金甚至更高。讀者二人一個在九龍灣,一個在葵涌上班,相信時間、車費都慳唔少。

舊區不同地段有不同特色,價錢亦有不同。旺角段,彌敦道以東、西洋菜街、通菜街一帶,發展最成熟,交通最方便,價錢亦稍高。彌敦道以西,朗豪坊附近,上海街、新填地街、塘尾道一帶,較為民生,正在重建轉型,價錢亦較便宜。

至於油麻地,窩打老道以北,靠近旺角一段上車選擇比較多,部分靠近渡船街的,甚至有無敵靚海景。窩打老道以南,靠近佐敦舊樓比較多,適合上車的比較少,但位置較優勝。

現時的大型基建項目,高鐵肯定是最具爆炸性的,相信通車後,佐敦、油麻地、旺角靠西面的地段,將會有很大的轉變。

1%投資培訓中心課程總監,教授物業投資、上車及裝修等課程。暢銷書《上車又住又賺》及《樓轉命運》作者,網誌《第一桶金》總瀏覽逾300萬人次。

Fan Page《第一桶金》:www.facebook.com/anthony.wealth

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看