【寶豬趣聞】咁我發燒你哋醫唔醫我呀

職場

廣告

有日,一位小姐氣來氣喘嚟到診所。

佢問我:「姑娘?」
我:「係~請問有咩事呢?」
佢:「我好似潮熱呀」
小姐,我睇你個樣都最多係三十尾咋喎~咁快更年期?
我:「一係我同你登記先啊,一陣有咩可以同醫生講啊」
小姐同我好似處於不同空間,佢繼續自己講:「我覺得自己忽冷忽熱咗大半日㗎啦…係咪潮熱呀?係咪提早收經呀?」
我:「唔駛咁緊張住~睇咗醫生先啦,我而家同你登記,同你探埋熱先呀」
身分證顯示二十頭,哇,好彩頭先我冇衰多口講句『你三十幾四十邊有咁快更年期呀』,如果唔係真係火星見啦…
探熱後,38.4度。輕微發燒啊~

我:「小姐,你有啲燒啊~」

佢:「吓?但係我冇病冇感冒咳喎」
我:「有時可能係感染咗一啲病毒或者細菌,身體知道要抗敵,所以提高體溫嘅~又或者你頭先跑過嚟?體溫都可能會高啲啊」
佢:「咁即係我唔係更年期呀?我會唔會燒壞腦呀?」
我:「係咪更年期都需要檢查咗先知嘅,至於燒壞腦就…唔駛太擔心啊」
38.4度就想燒壞腦?
佢:「我而家M到緊,檢唔檢查得?」
小姐,你有月經又點更年期呀?你覺得你流嗰啲係咩呀?

我:「你如果想做婦科檢查嘅,就等月經完咗,乾淨晒之後先過嚟做~而家唔做得㗎」
佢:「咁我發燒你哋醫唔醫我呀?」
醫…冇其他病徵嘅,醫生咪開份退燒藥俾你~之後就收你二三百咁啫。照顧到你心靈上身體上嘅需要,都係醫生榮幸嚟。

發燒其實好普遍,因為呢個係身體自我保護機制。

延伸閱讀:【寶豬趣聞】我返 Part Time 遇到呢位大姑

【寶豬趣聞】咁我發燒你哋醫唔醫我呀