青春有價＄13,000蚊 日日話唔想做果啲反而留最耐
廣告
文：Purple弟弟
消費，大家都試過！不過世界上最值得花錢買嘅嘢，往往就係時間。每個女人都會明白青春無價，年紀每大一歲就仿似貶值一截，25歲就開始擔心嫁唔出。回望自己畢業後出社會工作，手上果張印住＄13,000月薪嘅糧單，你恍然大悟，其實青春係有價嘅！
大家先唔好誤會，筆者意思唔係話打工就等於出賣青春，要符合「出賣青春」必先要有一個條件！就係做緊一份「三無工作」
無前途！
無錢！
無嘢學！
如果你做緊一份「三無工作」又不思進取，咁你就係世上最愚蠢嘅人，因為你用緊人生最寶貴嘅時光換取最卑微嘅收入！但可惜呢類人都有個通病，就係會比好多理由同借口自己，連掙扎都懶得出力。
同事Mary今日食Lunch又同我呻「公司係咪低能，咁多嘢做死人咩，人工又雞碎咁多！唉，我都係搵定工走！」
「係囉，一定要啦」
「不過就到年尾好難搵工，幾時先走到啊！」
我暗笑一下，心諗你上年開始已經話走，唔好話我睇死你都係得個講字，根本一份CV都未Send過出去啦！
「咁你Send咗CV未？」
「未啊，都話呢個時期難搵，遲啲先！」
相信每個人係職場上都遇到過Mary呢類人，公司多嘢做、人工低又無得著，但就口裡說不，但身體很誠實為公司賣命！
每次我見到呢類人都會諗起張智霖首《妳太善良》，當中有一句歌詞用嚟形容佢地真係好貼切！
