打工仔血汗 強積金可以點樣賺錢

即使今年港股市況大勇，仍有網民投訴MPF多年來回報大縮水，索性轉晒保本基金，輸少當贏。 樓主花街朱古力發帖「MPF放左咁耐都係蝕，有無朋友可以分享下點樣轉MPF令佢蝕少當贏」。

網民東亞老千對樓主經歷有感，大吐苦水：「MPF先養銀行佬，未來是否可養自己？無人可保證。」 網民Chungchung-Ying半信半疑，稱：「今年是但一隻都有賺喎，你話我知你買邊隻，等我唔好買。」 網民終國人則笑問樓主：「係咪2015年全部買港股，之後全部轉晒保本（基金）到今日？」

網民Mer哥似乎交了不少學費，指2015年故事令人明白到，MPF要好似炒股咁成日睇住，暗示樓主平日對MPF戶口不聞不問。 網民b12345hk更語重心長，訓示樓主稱：「其實發文者唔了解整個MPF投資運作，只係想見到人地蝕錢，認同MPF係呃人嘅嘢；或見人地話賺錢，就諗住照copy人地嘅方法，咁樣你只會繼續蝕錢。

「因為你無用腦同時間去了解你手上有啲咩可以用嘅資源，同個盤點樣運作。」 網民im__DF 建議樓主，香港股票基金表現不錯，近兩個月均有賺錢，供款人可轉換基金，與及睇下過往數據，如果肯去管理應該不會蝕。

網民heiin1987亦表示贊同今年港股基金升好多，可以睇下自己間MPF有無得轉相關港股基金先。 宜檢視基金長期表現 雖然不少網民對強積金印象麻麻，但既然全港打工仔都不能幸免，屬強制性參與強積金計劃，倒不如積極管理戶口，為將來退休打算。

翻查強積金資料，市場上仍有表現優異的強積金，如「海通MPF環球分散基金」、「海通MPF香港特區基金」過去一年分別賺48%及40.4%（見表五）。 當然不能單單觀察今年表現，更要比較基金能否長期跑贏同業。

打工仔不妨檢閱基金一、三和五年的回報。 同時，選擇強積金與買股票有分別，應着重長線表現，並看重大環境氣候變化，多於個別消息，而市況波動亦逐成「新常態」。因此，打工仔不宜因個別事件而調整投資組合。

此外，美國已踏入加息週期，香港料隨後跟上，打工仔不宜投放太多供款於債券基金，若不想轉戰股票市場，倒不如投資保守基金，如提供與港元儲蓄戶口利率相近回報的基金。

延伸閱讀：

夫婦二人月搵 $58,000 睇中$315萬元朗舊樓買唔買好

打工仔生存點都要識 6個簡單高效e-mail 技巧